ىستانبۇلدا ٶتكەن ٶڭٸرارالىق كونفەرەنتسييادا 60-تان استام مەملەكەتتٸك قىزمەتشٸ مەن ساراپشى جاساندى ينتەللەكتٸنٸ تيٸمدٸ باسقارۋ, تسيفرلىق قاۋٸپسٸزدٸك جەنە مەملەكەتتٸك قىزمەتتەرگە جاڭا تەحنولوگييالاردى ەنگٸزۋ مەسەلەلەرٸن تالقىلادى, دەپ حابارلايدى ult.kz.
2026 جىلعى 9 قازاندا ىستانبۇل قالاسىندا «جاساندى ينتەللەكتٸنٸ باسقارۋ تەجٸريبەسٸ» اتتى ٶڭٸرارالىق كونفەرەنتسييا ٶتتٸ. ٸس-شاراعا 14 ەلدەن 60-تان استام مەملەكەتتٸك قىزمەتشٸ, پراكتيك مامان جەنە بۇۇ دامۋ باعدارلاماسىنىڭ ٶكٸلدەرٸ قاتىستى.
كونفەرەنتسييانى استانا مەملەكەتتٸك قىزمەت حابى, قازاقستانداعى بۇۇ دامۋ باعدارلاماسى, كورەيا رەسپۋبليكاسىنىڭ ٸشكٸ ٸستەر جەنە قاۋٸپسٸزدٸك مينيسترلٸگٸ مەن ۇلتتىق اقپاراتتىق قوعام اگەنتتٸگٸ بۇۇدب-نىڭ ىستانبۇل ٶڭٸرلٸك حابىنىڭ قولداۋىمەن ۇيىمداستىردى.
جاساندى ينتەللەكتٸنٸ دامىتۋدا ادام مٷددەسٸ باستى ورىندا
بۇۇدب ىستانبۇل ٶڭٸرلٸك حابىنىڭ باسشىسى ستەليانا نەدەر تەحنولوگييالاردى ەنگٸزۋ قارقىنىنىڭ ەلدەر اراسىندا ەركەلكٸ ەكەنٸن اتاپ ٶتتٸ. ونىڭ ايتۋىنشا, تسيفرلىق الشاقتىقتىڭ ۇلعايۋىنا جول بەرمەۋ ٷشٸن يننوۆاتسييالاردى قولداۋ مەن جاساندى ينتەللەكتٸنٸ تيٸستٸ دەڭگەيدە رەتتەۋ اراسىندا تەپە-تەڭدٸك قاجەت.
تٷركييا رەسپۋبليكاسى پرەزيدەنتٸ جانىنداعى كيبەرقاۋٸپسٸزدٸك باسقارماسىنىڭ جاساندى ينتەللەكت جٶنٸندەگٸ باس ديرەكتورى وسمان گازي گيۋچليۋتٷرك قاۋٸپسٸزدٸكتٸ قامتاماسىز ەتەتٸن, ەكونوميكالىق تۇرعىدان تيٸمدٸ ەرٸ ادامنىڭ شەشٸم قابىلداۋ قۇقىعىن ساقتايتىن باسقارۋ تەسٸلدەرٸن دامىتۋ ماڭىزدى ەكەنٸن جەتكٸزدٸ.
استانا مەملەكەتتٸك قىزمەت حابى باسقارۋشى كوميتەتٸنٸڭ تٶراعاسى اليحان بايمەنوۆ ادام مەن جاساندى ينتەللەكت قاتار ەرەكەت ەتەتٸن جاڭا دەۋٸردە جاۋاپكەرشٸلٸك پەن ادامي باقىلاۋدىڭ ماڭىزى ارتا تٷسەتٸنٸن ايتتى. ول جاساندى ينتەللەكت قوعام يگٸلٸگٸنە قىزمەت ەتٸپ, ادام قۇقىقتارىن قورعاۋى ٷشٸن مەملەكەتتٸك ينستيتۋتتاردى نىعايتۋ, مامانداردىڭ قۇزىرەتتەرٸن دامىتۋ جەنە تيٸستٸ قورعانىس تەتٸكتەرٸن قالىپتاستىرۋ قاجەتتٸگٸنە توقتالدى.
كورەيا تەجٸريبەسٸ: مەملەكەتتٸك قىزمەتشٸلەردٸڭ تسيفرلىق قۇزىرەتتەرٸن دامىتۋ
كورەيا رەسپۋبليكاسى ٸشكٸ ٸستەر جەنە قاۋٸپسٸزدٸك مينيسترلٸگٸنٸڭ مەملەكەتتٸك باسقارۋداعى جاساندى ينتەللەكت بيۋروسىنىڭ باس ديرەكتورى دونگ سۋ چانگ «ٷكٸمەتتٸڭ جاساندى ينتەللەكت زەرتحاناسى» باستاماسىن تانىستىردى. بۇل الاڭدا مەملەكەتتٸك قىزمەتشٸلەر جۇمىس بارىسىندا كەزدەسەتٸن مەسەلەلەردٸ ٶزدەرٸ انىقتاپ, جاساندى ينتەللەكت كٶمەگٸمەن شەشٸمدەردٸ سىناقتان ٶتكٸزٸپ, باستاپقى ٷلگٸلەرٸن ەزٸرلەيدٸ.
كورەيا تەجٸريبەسٸ تەحنولوگييالىق ينفراقۇرىلىمدى دامىتۋمەن قاتار, مەملەكەتتٸك قىزمەتشٸلەردٸڭ جاڭا قۇرالداردى تيٸمدٸ پايدالانۋ داعدىلارىن جەتٸلدٸرۋدٸڭ ماڭىزىن كٶرسەتەدٸ.
كونفەرەنتسييا قاتىسۋشىلارى كورەيانىڭ جاساندى ينتەللەكتٸنٸ مەملەكەتتٸك باسقارۋعا ەنگٸزۋ تەجٸريبەسٸمەن, ونى قولدانۋدىڭ قۇقىقتىق نەگٸزدەرٸمەن, تسيفرلىق سەيكەستەندٸرۋ جەنە كيبەرقاۋٸپسٸزدٸكتٸ نىعايتۋ تەتٸكتەرٸمەن تانىستى. ورتالىق ازييا, كاۆكاز جەنە ازييا-تىنىق مۇحيتى ٶڭٸرلەرٸنەن كەلگەن ٶكٸلدەر ٶز ەلدەرٸندەگٸ جەتٸستٸكتەرٸ مەن جاڭا تەحنولوگييالاردى ەنگٸزۋ كەزٸندە كەزدەسەتٸن قيىندىقتاردى ورتاعا سالدى.
قازاقستان مەملەكەتتٸك قىزمەتتەردٸ تسيفرلاندىرۋ تەجٸريبەسٸن ۇسىندى
قازاقستاننىڭ جاساندى ينتەللەكت جەنە تسيفرلىق دامۋ مينيسترلٸگٸنٸڭ ٶكٸلٸ ارۋجان سارىەۆا مەملەكەتتٸك قىزمەتتەردٸ تسيفرلاندىرۋدان جاساندى ينتەللەكتٸنٸ دامىتۋعا كٶشۋ باعىتىنداعى جۇمىستاردى تانىستىردى.
ونىڭ مەلٸمەتٸنشە, قازاقستاندا مەملەكەتتٸك قىزمەتتەردٸڭ 92 پايىزى تولىق تسيفرلاندىرىلعان. الداعى بەس جىلداعى باسىم مٸندەتتەردٸڭ بٸرٸ – بٸر ميلليون ازاماتقا جاساندى ينتەللەكتٸنٸ قولدانۋ داعدىلارىن ٷيرەتۋ.
سونداي-اق باياندامادا تسيفرلىق كودەكستٸڭ جەنە جاساندى ينتەللەكت تۋرالى جەكە زاڭنىڭ قابىلدانۋى, ۇلتتىق سۋپەركومپيۋتەرلەردٸڭ ٸسكە قوسىلۋى مەن استانادا بٸلٸم بەرۋ, عىلىمي زەرتتەۋلەر جەنە ستارتاپتاردى قولداۋدى بٸرٸكتٸرەتٸن alem.ai حالىقارالىق ورتالىعىنىڭ اشىلۋى اتاپ ٶتٸلدٸ.
حالىقارالىق ىنتىماقتاستىق – ورتاق مٸندەتتەردٸ شەشۋ جولى
اليحان بايمەنوۆ جاڭا تەحنولوگييالارعا تەڭ قولجەتٸمدٸلٸكتٸ قامتاماسىز ەتۋ جەنە تسيفرلىق تەڭسٸزدٸكتٸڭ ۇلعايۋىنا جول بەرمەۋ ٷشٸن حالىقارالىق ىنتىماقتاستىقتى نىعايتۋ قاجەتتٸگٸن اتاپ ٶتتٸ. وسى رەتتە ول كورەيا رەسپۋبليكاسى قارجىلاندىراتىن ٶڭٸرارالىق باستامانىڭ نەتيجەلەرٸنە توقتالدى.
2021 جىلى ٸسكە قوسىلعان باستاماعا قاتىسۋشى ەلدەردٸڭ سانى جەتٸدەن ون ەكٸگە دەيٸن ٶسكەن. وسى ۋاقىت ارالىعىندا ۇيىمداستىرىلعان وقىتۋ ٸس-شارالارى 500-دەن استام مەملەكەتتٸك قىزمەتشٸ مەن پراكتيك ماماندى قامتىعان.
كونفەرەنتسييا اياسىندا قاتىسۋشىلار جاساندى ينتەللەكت اگەنتتەرٸن مەملەكەتتٸك باسقارۋدا قولدانۋ مٷمكٸندٸكتەرٸن دە تالقىلادى. ينتەراكتيۆتٸ سەسسييا بارىسىندا ولار مۇنداي شەشٸمدەردٸ ٶز ەلدەرٸندە قانداي باعىتتاردان باستاپ ەنگٸزۋگە بولاتىنىن قاراستىردى.
ٸس-شارا حالىقارالىق تەجٸريبە الماسۋعا, پراكتيكالىق قۇرالداردى تالقىلاۋعا جەنە مەملەكەتتٸك باسقارۋدا جاساندى ينتەللەكتٸنٸ قوعام قاجەتتٸلٸكتەرٸنە ساي, قاۋٸپسٸز ەرٸ جاۋاپتى قولدانۋ تەسٸلدەرٸن دامىتۋعا مٷمكٸندٸك بەردٸ.
