جيىندا بالا قۇقىقتارى جٶنٸندەگٸ ۋەكٸل – قۇرىلتاي تٶراعاسىنىڭ ورىنباسارى دينارا زەكيەۆانىڭ, باس پروكۋروردىڭ بٸرٸنشٸ ورىنباسارى جاندوس ٶمٸرەليەۆتٸڭ, وقۋ-اعارتۋ مينيسترٸ جۇلدىز سٷلەيمەنوۆانىڭ, ەڭبەك جەنە حالىقتى ەلەۋمەتتٸك قورعاۋ مينيسترٸ اسقاربەك ەرتاەۆتىڭ, دەنساۋلىق ساقتاۋ مينيسترٸ اقمارال ەلنازاروۆانىڭ باياندامالارى تىڭدالدى, دەپ حابارلايدى ult.kz.
كەڭەستە ەڭ الدىمەن پرەزيدەنت قاسىم-جومارت توقاەۆتىڭ تاپسىرماسىمەن قابىلدانعان 2026-2030 جىلدارعا ارنالعان «قازاقستان بالالارى» بٸرتۇتاس تۇجىرىمداماسىن تيٸمدٸ ٸسكە اسىرۋ مەسەلەلەرٸ تالقىلاندى.
ۆيتسە-پرەزيدەنت بالالاردىڭ تولىققاندى دامۋىنا جان-جاقتى جاعداي جاساۋ مەملەكەت باسشىسى ۇستانىپ وتىرعان باعداردىڭ نەگٸزگٸ باعىتىنىڭ بٸرٸ ەكەنٸن اتاپ ٶتتٸ.
– پرەزيدەنت باستاماسىمەن بالالاردىڭ قۇقىقتارىن قورعاۋ, قاۋٸپسٸزدٸگٸن قامتاماسىز ەتۋ, بٸلٸم بەرۋ ساپاسىن ارتتىرۋ, دەنساۋلىعىن ساقتاۋ, ەلەۋمەتتٸك قولداۋ كٶرسەتۋ, ٶسكەلەڭ ۇرپاقتى كونستيتۋتسييالىق قۇندىلىقتار رۋحىندا تەربيەلەۋ باعىتىندا تۇتاس شارالار كەشەنٸ جٷزەگە اسىرىلۋدا, – دەدٸ ەرلان قارين.
ۆيتسە-پرەزيدەنت «ۇلتتىق قور – بالالارعا» پرەزيدەنتتٸك باعدارلاماسى اياسىندا ٷش جىل ٸشٸندە 7 ميلليوننان استام بالاعا 2,5 ميلليارد دوللاردان استام قاراجات اۋدارىلعانىن ەسكە سالدى. سونداي-اق پرەزيدەنت باستامالارىن ٸسكە اسىرۋ نەتيجەسٸندە سوڭعى 7 جىلدا ەلٸمٸزدە 1 ميلليوننان استام وقۋشىعا ارنالعان 1342 مەكتەپ سالىندى.
سوڭعى ٷش جىلدا مەملەكەت باسشىسىنىڭ باستاماسىمەن بالالاردىڭ قۇقىقتارى مەن مٷددەلەرٸن قامتاماسىز ەتۋگە باعىتتالعان 11 زاڭ قابىلداندى. ونىڭ نەگٸزگٸلەرٸنٸڭ بٸرٸ – 2024 جىلى قابىلدانعان ەيەلدەردٸڭ قۇقىقتارى مەن بالالاردىڭ قاۋٸپسٸزدٸگٸن قامتاماسىز ەتۋ تۋرالى زاڭ. وسى زاڭعا سەيكەس, الدىن الۋ شارالارى ەنگٸزٸلٸپ, زورلىق-زومبىلىقتىڭ بارلىق تٷرٸنە جازا قاتاڭداتىلدى, سونداي-اق بۋللينگكە قاتىستى جاۋاپكەرشٸلٸك بەلگٸلەندٸ.
قابىلدانعان زاڭنامالىق شارالار نەتيجەسٸندە كەمەلەتكە تولماعاندارعا قاتىستى قىلمىستىق قۇقىق بۇزۋشىلىقتار سانى ازايدى. اتاپ ايتقاندا, 2024 جىلمەن سالىستىرعاندا اسا اۋىر قىلمىستار سانى 45 پايىزعا, ال جاسٶسپٸرٸمدەردٸ جىنىستىق قاتىناسقا تٷسۋگە مەجبٷرلەۋ قىلمىستارىنىڭ سانى 10 پايىزعا تٶمەندەدٸ. سونىمەن قاتار كەمەلەتكە تولماعاندار تاراپىنان جاسالاتىن قىلمىستاردىڭ دا 10 پايىزعا ازايعانى بايقالىپ وتىر.
ٶڭٸرلەردە بالا قۇقىقتارى جٶنٸندەگٸ ۋەكٸلدٸڭ ٶكٸلدٸكتەرٸ جۇمىس ٸستەيدٸ, بالا قۇقىقتارى جٶنٸندەگٸ باسقارمالار قۇرىلدى, قورعانشىلىق ورگاندارىنىڭ شتات سانى ۇلعايىپ كەلەدٸ. قالالار مەن اۋدانداردا 160 وتباسىن قولداۋ ورتالىعى اشىلدى.
مەكتەپتەرگە مەملەكەتتٸك «111» بايلانىس ورتالىعىنىڭ QR-كودتارى ورناتىلا باستاعان 2024 جىلدان بەرٸ بالالار پسيحولوگتارى 186 مىڭنان استام حابارلاما مەن 6 700 قوڭىراۋ قابىلداعان. 9 مىڭ جاعداي بويىنشا ٶمٸرلٸك قيىن جاعدايعا تاپ بولعان بالالارعا كٶمەك كٶرسەتٸلدٸ, ال 73 جاعدايدا سۋيتسيدتٸڭ الدىن الۋعا مٷمكٸندٸك تۋدى.
مەسەلەلەردٸڭ تاعى بٸر بٶلٸگٸ ينكليۋزيۆتٸ ساياسات مەسەلەلەرٸنە ارنالدى. قازٸرگٸ ۋاقىتتا پرەزيدەنت تاپسىرماسى بويىنشا قۇرىلتاي دەپۋتاتتارى مٷمكٸندٸگٸ شەكتەۋلٸ بالالاردى كەشەندٸ قولداۋدى رەتتەيتٸن زاڭ جوباسىن ەزٸرلەۋدە.
– زاڭنامالىق نورمالاردىڭ دەكلاراتيۆتٸك سيپاتتا بولماعانى, بالالاردى قولداۋ جٷيەسٸن جاقسارتۋدى, ولاردىڭ قۇقىقتارى مەن زاڭدى مٷددەلەرٸن قورعاۋدى قامتاماسىز ەتەتٸن ناقتى تەتٸكتەردٸ كٶزدەۋٸ, سونداي-اق ۋەكٸلەتتٸ مەملەكەتتٸك ورگاندار اراسىنداعى ٶزارا ٸس-قيمىلدى دەل ايقىنداۋى اسا ماڭىزدى, – دەدٸ ەرلان قارين.
بۇعان قوسا ۆيتسە-پرەزيدەنت مٷمكٸندٸگٸ شەكتەۋلٸ جانداردى كەمسٸتۋدٸڭ الدىن الۋعا جەنە وعان جول بەرمەۋگە باعىتتالعان زاڭنامالىق نورمالاردى ەزٸرلەۋ قاجەت ەكەنٸنە نازار اۋداردى.
جيىن سوڭىندا ەرلان قارين بالالاردىڭ قۇقىقتارى مەن مٷددەلەرٸن قامتاماسىز ەتۋ ٸشكٸ ساياسي جۇمىستاردىڭ باسىم باعىتى رەتٸندە ەرەكشە باقىلاۋدا بولاتىنىن اتاپ ٶتتٸ. وسىعان بايلانىستى پرەزيدەنت باستامالارىنىڭ ٸسكە اسىرىلۋ بارىسى رەسپۋبليكالىق كەڭەستە كەمٸندە ەكٸ ايدا بٸر رەت جٷيەلٸ ەرٸ تۇراقتى تٷردە قارالاتىن بولادى. سونداي-اق ۆيتسە-پرەزيدەنت بالالاردىڭ قۇقىعىن قورعاۋ سالاسىندا مەملەكەت باسشىسى جٷكتەگەن تاپسىرمالاردىڭ ورىندالۋىنا ٶڭٸرلٸك دەڭگەيدە اي سايىن مونيتورينگ جٷرگٸزۋدٸ تاپسىردى.
