پرەزيدەنت قاسىم-جومارت توقاەۆتىڭ تٶراعالىعىمەن قازاقستان رەسپۋبليكاسى قاۋٸپسٸزدٸك كەڭەسٸنٸڭ وتىرىسى ٶتتٸ, دەپ حابارلايدى ult.kz.
نەگٸزگٸ مەسەلە – ەسكەري رەفورما جوسپارىنىڭ جوباسى.
مەملەكەت باسشىسى ەلٸمٸزدەگٸ اۋقىمدى ٶزگەرٸستەردٸ ەسكەرە وتىرىپ, قورعانىس سالاسىن رەفورمالاۋ جٶنٸندە ۇسىنىستار ەزٸرلەۋدٸ جەنە ونى قاۋٸپسٸزدٸك كەڭەسٸنٸڭ قاراۋىنا ەنگٸزۋدٸ تاپسىردى.
پرەزيدەنت قىسقا مەرزٸمدە زاماناۋي, ۇتقىر ەرٸ تەحنولوگييالىق تۇرعىدان وزىق ارمييا قۇرۋدىڭ ايرىقشا ماڭىزىنا نازار اۋداردى.
– قارۋلى كٷشتەردٸڭ ساپاسىن ٶزگەرتۋ مٸندەتٸ قويىلدى. ٶزگەرٸستەر باسقارۋ ٸسٸن, ەسكەري قىزمەتشٸلەردٸ دايارلاۋدى, كادر ساياساتىن, ەسكەري بٸلٸم بەرۋدٸ, قورعانىستى جوسپارلاۋ مەن تەحنولوگييالىق جاراقتاندىرۋدى قامتۋعا تيٸس. ەسكەري قىزمەتتٸڭ قاۋٸپسٸزدٸگٸنە, ەسكەرگە باسشىلىق ەتۋ مەدەنيەتٸنە جەنە مەملەكەت رەسۋرستارىن تيٸمدٸ پايدالانۋعا ايرىقشا مەن بەرۋ كەرەك. ارمييانىڭ قوعاممەن قارىم-قاتىناسى دا ٶزگەرۋگە تيٸس. كەشەندٸ رەفورما قاجەت. بۇل ٸستە تولىققاندى شەشٸمدەر قابىلدانبايىنشا, كٶزدەگەن نەتيجەگە جەتۋ مٷمكٸن ەمەس, – دەدٸ قاسىم-جومارت توقاەۆ.
وتىرىستا قاۋٸپسٸزدٸك كەڭەسٸ تٶراعاسىنىڭ ورىنباسارى ايدا بالاەۆا ەسكەردٸ جاساقتاۋدىڭ حالىقارالىق تەجٸريبەسٸن, ۇرىس قيمىلدارىن جٷرگٸزۋدٸڭ زاماناۋي تەسٸلدەرٸن جەنە وتاندىق مامانداردىڭ ۇسىنىستارىن ەسكەرە وتىرىپ ەزٸرلەنگەن جوسپاردىڭ نەگٸزگٸ ەرەجەلەرٸن تانىستىردى
قۇجاتتا مەملەكەتتٸڭ بٷكٸل ەسكەري جٷيەسٸنٸڭ تيٸمدٸلٸگٸن ارتتىرۋعا باعىتتالعان ينستيتۋتسيونالدىق ٶزگەرٸستەر كٶزدەلگەن.
اتاپ ايتقاندا, قارۋلى كٷشتەردٸڭ قۇرىلىمى مەن قۇرامىن قايتا قاراۋ, باسقارۋ جەنە قورعانىستى جوسپارلاۋ تەتٸكتەرٸن جەتٸلدٸرۋ, ۇشقىشسىز جٷيەلەر كٷشتەرٸن قۇرۋ, سونداي-اق ارمييانىڭ نەگٸزگٸ كومپونەنتتەرٸن نىعايتۋ جوسپارلانىپ وتىر.
بۇل رەفورمانىڭ ماڭىزدى اسپەكتٸسٸ – مەرزٸمدٸ ەسكەري قىزمەتتٸڭ ەكٸ كەزەڭنەن تۇراتىن ٷلگٸسٸنە كٶشۋ. ەسكەرگە شاقىرىلعاندار العاشقى التى ايدا وقۋ ورتالىقتارىندا دايارلىقتان ٶتەدٸ. كەيٸنگٸ التى ايدا تٸكەلەي ەسكەري بٶلٸمدەردە قىزمەت ەتەدٸ. بۇل كەزەڭدە جاۋىنگەرلٸك دايارلىققا جەنە بٶلٸمشەلەر قۇرامىندا مٸندەتتەردٸ ورىنداۋعا باسىمدىق بەرٸلەدٸ.
ەسكەري قىزمەتشٸلەردٸڭ قاۋٸپسٸزدٸگٸن قامتاماسىز ەتۋگە جەنە قۇقىقتارىن قورعاۋعا ەرەكشە نازار اۋدارۋ قاجەت.
ەسكەري كونسۋلتانتتار مەن ەسكەري قىزمەتشٸلەر ٸستەرٸ جٶنٸندەگٸ ۋەكٸل ينستيتۋتتارىن قۇرۋ جوسپارلانىپ وتىر. سونداي-اق جارعىعا ساي كەلمەيتٸن ٸس-ەرەكەتكە جول بەرمەۋ جەنە ەسكەري تەرتٸپتٸ كٷشەيتۋ شارالارى قابىلدانادى.
سونىمەن قاتار «ادال ازامات» تۇجىرىمداماسىنا نەگٸزدەلگەن «جاس ايبىن» بٸرىڭعاي ەسكەري-پاتريوتتىق دايارلىق جٷيەسٸن دامىتۋ, مامانداندىرىلعان ەسكەري مەكتەپتەر جەلٸسٸن كەڭەيتۋ جەنە باستاپقى ەسكەري دايارلىقتى جەتٸلدٸرۋ كٶزدەلگەن.
قورعانىس مينيسترٸ ايدوس مىرزاحمەتوۆ قارۋلى كٷشتەردٸ جاڭعىرتۋ جوسپارى تۋرالى باياندادى
قارۋلى كٷشتەردٸڭ جاڭا اقپاراتتىق-كوممۋنيكاتسييالىق ستراتەگيياسىن قابىلداۋ, سونداي-اق كونستيتۋتسيياداعى «زاڭ مەن تەرتٸپ» قاعيداتىنا ساي تەربيە جۇمىستارىنىڭ ساپاسىن ارتتىرۋ رەفورمانىڭ ماڭىزدى باعىتتارىنىڭ بٸرٸ بولماق.
اتالعان شارالار ەسكەر قاتارىنداعى تەرتٸپ پەن قوعامنىڭ ارميياعا دەگەن سەنٸمٸن نىعايتۋعا باعىتتالعان.
جوسپاردا كٶزدەلگەن ۇيىمداستىرۋ شارالارى وسى جىلدىڭ سوڭىنا دەيٸن, ال نەگٸزگٸ تۇجىرىمدامالىق شارالار كەلەسٸ جىلى ٸسكە اسىرىلادى.
جيىن بارىسىندا قاۋٸپسٸزدٸك كەڭەسٸنٸڭ تٶراعاسى قورعانىس مينيسترلٸگٸنٸڭ قىزمەتٸن كەشەندٸ تەكسەرۋ جٶنٸندەگٸ كوميسسييانىڭ جۇمىسىن جىل سوڭىنا دەيٸن اياقتاۋدى تاپسىردى.
پرەزيدەنت ەسكەري قاۋٸپسٸزدٸك بٷكٸل مەملەكەتكە ورتاق مٸندەت ەكەنٸن, سوندىقتان بارلىق مٷددەلٸ ورگاننان ٷيلەسٸمدٸ جۇمىس ٸستەۋ تالاپ ەتٸلەتٸنٸن ەسكەرتتٸ.
وتىرىس قورىتىندىسى بويىنشا ەسكەري رەفورما جوسپارى ماقۇلداندى.
مەملەكەت باسشىسى جوسپارلانعان ٶزگەرٸستەردٸ ۋاقتىلى ەرٸ تولىق جٷزەگە اسىرۋ ٶتە ماڭىزدى ەكەنٸن اتاپ ٶتتٸ.
جوسپاردىڭ ورىندالۋىن ٷيلەستٸرۋ مٸندەتٸ ٷكٸمەت پەن قاۋٸپسٸزدٸك كەڭەسٸنە جٷكتەلەدٸ.
