قازاقستاندا پرەزيدەنت قاسىم-جومارت توقاەۆتىڭ تٶراعالىعىمەن ٶتكەن قاۋٸپسٸزدٸك كەڭەسٸنٸڭ وتىرىسىندا ماقۇلدانعان ەسكەري رەفورما جوسپارىن جٷزەگە اسىرۋ باستالدى. ٶزگەرٸستەر قارۋلى كٷشتەردٸڭ قۇرىلىمىن, ەسكەري باسقارۋ جٷيەسٸن, ەسكەرلەردٸڭ دايارلىعىن, ەسكەري قىزمەت ٶتكەرۋ تەرتٸبٸن جەنە ەسكەري قىزمەتشٸلەردٸڭ قۇقىعىن قورعاۋ مەسەلەلەرٸن قامتيدى, دەپ حابارلايدى ult.kz.
مەملەكەت باسشىسى زاماناۋي, ۇتقىر ەرٸ تەحنولوگييالىق تۇرعىدان دامىعان ارمييا قالىپتاستىرۋ مٸندەتٸن قويدى. بۇل رەتتە ەسكەري قىزمەتتٸڭ قاۋٸپسٸزدٸگٸنە, كومانديرلٸك مەدەنيەتكە جەنە مەملەكەتتٸك رەسۋرستاردى تيٸمدٸ پايدالانۋعا ەرەكشە نازار اۋدارىلادى.
قارۋلى كٷشتەردٸڭ قۇرىلىمى مەن قۇرامى, قورعانىستى جوسپارلاۋ, جۇمىلدىرۋ دايىندىعى جەنە رەزەرۆتٸ قالىپتاستىرۋ جٷيەسٸ سىندى ارمييانىڭ نەگٸزگٸ قۇرامداس بٶلٸكتەرٸن جەتٸلدٸرۋ جوسپارلانىپ وتىر.
تەحنولوگييالىق قايتا جاراقتاندىرۋ وتاندىق قورعانىس ٶنەركەسٸبٸن دامىتۋمەن, ونىڭ ٸشٸندە ۇشقىشسىز قۇرالدارعا قارسى ٸس-قيمىل قۇرالدارىن ٶندٸرۋمەن, سونداي-اق جاساندى ينتەللەكت پەن تسيفرلىق شەشٸمدەردٸ ەنگٸزۋمەن قاتار جٷزەگە اسىرىلماق.
ەسكەرلەردٸڭ دايىندىق ساپاسىن ارتتىرۋ جەنە ەسكەري وقۋ-جاتتىعۋلاردى ٶتكٸزۋگە جۇمسالاتىن شىعىنداردى ازايتۋ ماقساتىندا ۇرىس قيمىلدارىن مودەلدەۋگە مٷمكٸندٸك بەرەتٸن سيمۋلياتسييالىق باعدارلامالاردى ەنگٸزۋ كٶزدەلٸپ وتىر. ەندٸ ەسكەري قىزمەتشٸلەردٸڭ جاڭا تاكتيكانى مەڭگەرۋٸن, زاماناۋي قارۋ-جاراق ٷلگٸلەرٸن قولدانۋىن ەسكەرە وتىرىپ, ولاردىڭ ٶز بەتٸنشە دە, بٶلٸمشەلەر قۇرامىندا دا سەنٸمدٸ ەرەكەت ەتۋ داعدىلارىن قالىپتاستىرۋعا ەرەكشە نازار اۋدارىلادى.
نەگٸزگٸ ٶزگەرٸستەردٸڭ بٸرٸ – مەرزٸمدٸ ەسكەري قىزمەتتٸڭ ەكٸ كەزەڭدٸ مودەلٸنە كٶشۋ. العاشقى التى ايدا بٸر شاقىرىلىمداعى ساربازدار وقۋ ورتالىقتارىندا بولىپ, ەسكەري قىزمەتكە بەيٸمدەلەدٸ, باستاپقى ەسكەري بٸلٸم الادى جەنە دەنە دايىندىعىن شىڭدايدى. وقۋ ٷدەرٸسٸ اياسىندا ساربازدار تٸل ٷيرەنٸپ, جاساندى ينتەللەكتٸنٸ پايدالانۋ داعدىلارىن دامىتا الادى. سونىمەن قاتار ەسكەري قىزمەتشٸلەر ەسكەري ماماندىقتارمەن قاتار, ەڭبەك نارىعىندا سۇرانىسقا يە ازاماتتىق جۇمىسشى كەسٸپتەرٸن دە مەڭگەرە الادى.
كەلەسٸ التى ايدا ەسكەري قىزمەتشٸلەر ەسكەري بٶلٸمدەردە قىزمەت اتقارىپ, جاۋىنگەرلٸك دايارلىعىن جەتٸلدٸرٸپ, بٶلٸمشە قۇرامىندا قويىلعان مٸندەتتەردٸ ورىندايدى. جاڭا مودەلدٸڭ جەكەلەگەن ەلەمەنتتەرٸ «Sarbaz+» جوباسى اياسىندا سىناقتان ٶتكٸزٸلدٸ. ەكٸ كەزەڭدٸ مەرزٸمدٸ ەسكەري قىزمەت مودەلٸنٸڭ پيلوتتىق جوباسىن 2027 جىلى ٸسكە قوسۋ جوسپارلانعان.
ەسكەري قىزمەت ٶتكەرۋ جاعدايلارىن جاقسارتۋعا جەنە ەسكەري قىزمەتشٸلەردٸ ەلەۋمەتتٸك قورعاۋعا ەرەكشە كٶڭٸل بٶلٸنەدٸ. سونداي-اق ەسكەري بٶلٸمدەردٸڭ قولباسشىلىعىنا تەۋەلسٸز ەسكەري كەڭەسشٸلەر ينستيتۋتىن قۇرۋ كٶزدەلٸپ وتىر. ولار ەسكەري قىزمەتشٸلەرگە قولداۋ كٶرسەتٸپ, قۇقىق بۇزۋشىلىقتاردى انىقتاۋعا جەنە ولاردىڭ زاڭدى مٷددەلەرٸن قورعاۋعا كٶمەكتەسەدٸ.
باسىم مٸندەتتەردٸڭ بٸرٸ – ەسكەري قىزمەتشٸلەردٸ ساپالى تاماقپەن جەنە ەسكەري كيٸم-كەشەكپەن قامتاماسىز ەتۋ. سونىمەن قاتار كازارمالار قورىن, وقۋ نىساندارى مەن ەسكەري پوليگونداردى جٶندەۋ جەنە قالپىنا كەلتٸرۋ دە جوسپارلانۋدا.
ٶزگەرٸستەر جاستاردى دايارلاۋ جٷيەسٸن دە قامتيدى. 2027 جىلدان باستاپ «جاس قىران», «جاس ۇلان» جەنە «جاس سارباز» كەزەڭدەرٸن بٸرٸكتٸرەتٸن «جاس ايبىن» بٸرىڭعاي ەسكەري-پاتريوتتىق دايارلاۋ جٷيەسٸن قۇرۋ كٶزدەلگەن. قاۋٸپسٸز مٸنەز-قۇلىق داعدىلارىن قالىپتاستىرۋ, العاشقى كٶمەك كٶرسەتۋ مەن تٶتەنشە جاعدايلار كەزٸندە ەرەكەت ەتۋگە ٷيرەتۋ مەكتەپتەن باسيالماق.
ەكٸمدٸكتەرمەن بٸرلەسٸپ, جالپى بٸلٸم بەرەتٸن وقۋ ورىندارىندا العاشقى ەسكەري دايىندىقتىڭ ساپالى جٷرگٸزٸلۋٸن قامتاماسىز ەتۋ, سونداي-اق مامانداندىرىلعان ەسكەري مەكتەپتەر جەلٸسٸن دامىتۋ جۇمىستارى جالعاسادى.
جوسپاردىڭ ۇيىمداستىرۋشىلىق ٸس-شارالارىن جىل سوڭىنا دەيٸن جٷزەگە اسىرۋ كٶزدەلگەن, ال نەگٸزگٸ تۇجىرىمدامالىق ٶزگەرٸستەر ورتا مەرزٸمدٸ پەرسپەكتيۆادا ٸسكە اسىرىلادى. قورعانىس مينيسترلٸگٸ ەسكەري رەفورمانىڭ جٷزەگە اسىرىلۋ بارىسى تۋرالى قوعامدى تۇراقتى تٷردە حاباردار ەتٸپ وتىرادى.
