19 қаз, 2021 сағат 10:37

Цой Қазақстанда карантин жеңілдейтінін мәлімдеді

Денсаулық сақтау министрі Алексей Цой 20 қазаннан бастап Қазақстанда карантин жеңілдейтінін мәлімдеді, - деп хабарлайды Tengrinews.kz.

Үкімет отырысы кезінде министр эпиджағдайдың тұрақтануына байланысты, сондай-ақ вакцинация деңгейі 70 пайызға жеткендіктен, ВАК шешімі бойынша 20 қазаннан бастап келесі нысандардың жұмыс істеуіне рұқсат берілгенін хабарлады:

келушілер COVID-19-ға қарсы вакцинациялаудың толық курсын алғаны туралы құжатты немесе ПТР анықтамасын ұсынған кезде қарттар мен мүгедектер үйі, балалар үйі сияқты медициналық-әлеуметтік объектілердің пациенттеріне баруға рұқсат беріледі;
түнгі клубтардың қызметі тек "жасыл" мәртебесі бар тұлғаларға арналған, олардың толтырылуы 50 пайызға дейін, бірақ:
"жасыл" аймақта 100 адамнан артық емес;
"сары" аймақта 70 адамнан артық емес;
"қызыл" аймақта 50 адамнан артық емес.
Ashyq жобасына қатысатын бизнес объектілерінің жұмыс уақытын ұзарту:
"жасыл" аймақта 03:00-ге дейін, Ashyq жобасының көшбасшылары: 05:00-ге дейін;
"сары" аймақта 01:00-ге дейін, Ashyq жобасының көшбасшылары: 03:00-ге дейін.

Қазақстанда қазір күніне 1500-2000 төңірегінде адамнан коронавирус анықталып жатыр. Бірақ әлі де адам өлімі көп. Ресми мәлімет бойынша, күн сайын ондаған адам коронавирустан қайтыс болады.