Қазақстандық Елдос Сметов Будапеште дзюдодан өтіп жатқан Гран-при турнирінің жеңімпазы атанды, деп хабарлайды "Ұлт ақпарат".
Жарыстың алғашқы күні қазақстандық дзюдошылар Елдос Сметов (-60 кг) пен Елдос Жұмақанов (-66 кг) финалға дейін қарсылас шақ келтірген жоқ.
Рио Олимпиадасының күміс жүлдегері Е.Сметов жартылай финалда Нидерланды елінің өкілі Торнике Цжакадоеаны ұтты. Ал Е.Жұмақанов испаниялық Гайтеро Мартин Альбертоны уақытынан бұрын, таза жеңді.
Қос қазақстандық спортшының финалдағы қарсыластары моңғол балуандары еді. Е.Сметов соңғы бәсекеде қарсыласын ұтып, алтын алды. Ал, Жұмақанов аса тартысты өткен белдесуде Херлен Гандболтқа есе жіберді.
Аталмыш додаға әлемнің 82 елінен 550-ге жуық дзюдошы қатысуда. Қазақстаннан 16 спортшы барса, соның 12-сі - ерлер.
Әйелдер арасында қазақстандықтар Анна Казюлина (-52 кг) мен Севара Нишанбаева (-57 кг) жарыс жолынан ерте шығып қалды.
1815 рет оқылды
