Qazaqstandyq Eldos Smetov Býdapeshte dziýdodan ótip jatqan Gran-pri týrniriniń jeńimpazy atandy, dep habarlaidy "Ult aqparat".
Jarystyń alǵashqy kúni qazaqstandyq dziýdoshylar Eldos Smetov (-60 kg) pen Eldos Jumaqanov (-66 kg) finalǵa deiin qarsylas shaq keltirgen joq.
Rio Olimpiadasynyń kúmis júldegeri E.Smetov jartylai finalda Niderlandy eliniń ókili Tornike Tsjakadoeany utty. Al E.Jumaqanov ispaniialyq Gaitero Martin Albertony ýaqytynan buryn, taza jeńdi.
Qos qazaqstandyq sportshynyń finaldaǵy qarsylastary mońǵol balýandary edi. E.Smetov sońǵy básekede qarsylasyn utyp, altyn aldy. Al, Jumaqanov asa tartysty ótken beldesýde Herlen Gandboltqa ese jiberdi.
Atalmysh dodaǵa álemniń 82 elinen 550-ge jýyq dziýdoshy qatysýda. Qazaqstannan 16 sportshy barsa, sonyń 12-si - erler.
Áielder arasynda qazaqstandyqtar Anna Kaziýlina (-52 kg) men Sevara Nishanbaeva (-57 kg) jarys jolynan erte shyǵyp qaldy.
