22 qazanda Qazaqstanǵa sýyq antitsiklon yǵysyp, aýa temperatýrasy tómendei bastaidy. Aldymen batys óńirlerde kún sýytyp, keiin salqyn aýa basqa aimaqtarǵa taralady. Eldiń shyǵysynda qar jaýyp, boran soǵady, dep habarlaidy ult.kz.
Astanada jańbyr men qar jaýyp, túnde 0…+2°C, kúndiz +4…+6°C bolady. Jeldiń ekpini 18 m/s-qa jetedi. Almatyda jaýyn-shashynsyz, túnde +4…+6°C, kúndiz +14…+16°C kútiledi. Shymkentte de jaýyn-shashyn jaýmaidy: túnde +5…+7°C, kúndiz +18…+20°C bolady.
Shyǵys Qazaqstan oblysynda kei ýaqytta qalyń qar jaýyp, boran soǵady. Abai oblysynda da qar, boran jáne kóktaiǵaq kútiledi. Pavlodar men Soltústik Qazaqstan oblystarynda jańbyr men qar jaýyp, kóktaiǵaq bolady. Soltústik Qazaqstanda jeldiń ekpini 25 m/s-qa, Almaty jáne Jetisý oblystarynyń kei jerlerinde 28 m/s-qa jetedi.
Batys pen ońtústiktiń basym bóliginde jaýyn-shashyn jaýmaidy. Mańǵystaý oblysynda kúndiz +20…+25°C-qa deiin jylynady. Qyzylorda oblysynyń shyǵysy men ortalyǵynda shańdy daýyl turady. Birqatar óńirde túnde úsik júrip, tańǵa qarai tuman túsedi.
