Фото: ашық дереккөз
Дональд Трамп 277 сайлау алқасының дауысын жинап, АҚШ президентінің сайлауында жеңіске жетті - Fox News болжамы.
Президент болу үшін 270 дауыс жеткілікті. Осылайша Дональд Трамп АҚШ-тың 47-ші президенті болып отыр.
Decision Desk HQ сайлау нәтижелерін болжау қызметі Трамп АҚШ президенттік сайлауында жеңді деп болжайды.
Polymarket букмекерлік агенттігі Трамптың жеңіске жету ықтималдығын 98%-ға дейін айтарлықтай көтерді.
The New York Times газеті де Республикашыл партия кандидатының АҚШ президенттік сайлауында жеңіске жету ықтималдығын 92%-дан 95%-ға дейін көтерді.
The Hill газеті Дональд Трампты президенттік сайлауда жеңімпаз деп жариялады. Басылымның болжамы бойынша, экс-президент қажетті 270 сайлаушы дауысын жинайды. Сондай-ақ республикашылдар Сенат және Өкілдер палатасы сайлауында алда келеді.
NBC болжамына сәйкес, қазіргі уақытта Камала Харрис пен Трамп үшін Пенсильвания негізгі құбылмалы штат болып отыр. Дауыс берудің 94%-ы саналғаннан кейін, онда Республикашыл партия кандидаты аз ғана айырмашылықпен алда келеді. Егер Трамп соңында Пенсильванияда жеңіске жетсе, ол АҚШ президенті болады.
Харриске қажетті 270 сайлаушы дауысын жинауға мүмкіндік қалмайды.
107 рет оқылды
