Aqtóbede qoǵamnyń qyzý talqysyna túsken jylqyshy Rahat Sársenovtiń jaǵdaiyna qatysty sharýa qojalyǵynyń iesi Tájiǵali Eleýov taǵy da málimdeme jasady, dep habarlaidy ult.kz.
Kásipker áleýmettik jelide taraǵan pikirlerge jaýap berip, jumysshysyna tólenetin 150 myń teńge jalaqynyń sebebin túsindirdi.
Tájiǵali Eleýovtiń aitýynsha, Rahat Sársenovtiń jeke sharýashylyǵynda 20 iri qara maly bar. Bul maldar sharýa qojalyǵynyń malyna qosylyp jaiylady. Al olardyń jem-shóbin qojalyq qamtamasyz etedi.
«150 myń ailyq pa dep jatyr. Onyń 20 iri qara maly bar. Olardyń jem-shóbi meniń moinymda. 20 maly meniń malymmen birge jaiylady. Malshynyń aqysyn da ózim tóleimin. Buǵan deiin ailyǵymyzdy kóterýdi suraǵan. Keiin jem-shóptiń aqysyn ózderiń tóleńder dedim. Olar osy ailyqqa ómir súre beretinin aitty», – dedi kásipker.
Aita keteiik, Tájiǵali Eleýov buǵan deiin de Rahat Sársenovke qatysty jaǵdaiǵa túsinikteme bergen. Onyń sózinshe, áleýmettik jelide taraǵan aqparattyń bir bóligi birjaqty kórsetilip, oqiǵanyń tolyq mán-jaiy eskerilmegen.
Jylqyshynyń eńbek jaǵdaiy, jalaqysy men jumys berýshi tarapynan jasalǵan jaǵdai qoǵam arasynda qyzý talqylanyp jatyr.
