اقتٶبەدە قوعامنىڭ قىزۋ تالقىسىنا تٷسكەن جىلقىشى راحات سەرسەنوۆتٸڭ جاعدايىنا قاتىستى شارۋا قوجالىعىنىڭ يەسٸ تەجٸعالي ەلەۋوۆ تاعى دا مەلٸمدەمە جاسادى, دەپ حابارلايدى ult.kz.
كەسٸپكەر ەلەۋمەتتٸك جەلٸدە تاراعان پٸكٸرلەرگە جاۋاپ بەرٸپ, جۇمىسشىسىنا تٶلەنەتٸن 150 مىڭ تەڭگە جالاقىنىڭ سەبەبٸن تٷسٸندٸردٸ.
تەجٸعالي ەلەۋوۆتٸڭ ايتۋىنشا, راحات سەرسەنوۆتٸڭ جەكە شارۋاشىلىعىندا 20 ٸرٸ قارا مالى بار. بۇل مالدار شارۋا قوجالىعىنىڭ مالىنا قوسىلىپ جايىلادى. ال ولاردىڭ جەم-شٶبٸن قوجالىق قامتاماسىز ەتەدٸ.
«150 مىڭ ايلىق پا دەپ جاتىر. ونىڭ 20 ٸرٸ قارا مالى بار. ولاردىڭ جەم-شٶبٸ مەنٸڭ موينىمدا. 20 مالى مەنٸڭ مالىممەن بٸرگە جايىلادى. مالشىنىڭ اقىسىن دا ٶزٸم تٶلەيمٸن. بۇعان دەيٸن ايلىعىمىزدى كٶتەرۋدٸ سۇراعان. كەيٸن جەم-شٶپتٸڭ اقىسىن ٶزدەرٸڭ تٶلەڭدەر دەدٸم. ولار وسى ايلىققا ٶمٸر سٷرە بەرەتٸنٸن ايتتى», – دەدٸ كەسٸپكەر.
ايتا كەتەيٸك, تەجٸعالي ەلەۋوۆ بۇعان دەيٸن دە راحات سەرسەنوۆكە قاتىستى جاعدايعا تٷسٸنٸكتەمە بەرگەن. ونىڭ سٶزٸنشە, ەلەۋمەتتٸك جەلٸدە تاراعان اقپاراتتىڭ بٸر بٶلٸگٸ بٸرجاقتى كٶرسەتٸلٸپ, وقيعانىڭ تولىق مەن-جايى ەسكەرٸلمەگەن.
جىلقىشىنىڭ ەڭبەك جاعدايى, جالاقىسى مەن جۇمىس بەرۋشٸ تاراپىنان جاسالعان جاعداي قوعام اراسىندا قىزۋ تالقىلانىپ جاتىر.
