100 jylqyny jymqyrdy dep sotqa tartylǵan Rahat Sársenov týraly jaqsy jańalyq tarady, dep habarlaidy ult.kz.
Tergeý izoliatorynan bosap shyqqan jylqyshynyń jaǵdaiy nasharlap ketken edi. Endi ol em qabyldaýǵa barypty.
Bul týraly Rýslan Ótepbai áleýmettik jelidegi paraqshasynda habarlady.
Aita keteiik, 60 jastaǵy Rahat Sársenov — ómiriniń 30 jyldan astam ýaqytyn jylqy baǵýǵa arnaǵan jylqyshy. Ol uzaq jyldar boiy mal sharýashylyǵynda eńbek etken.
Sársenov tergeý izoliatorynda 60 jasyn qarsy aldy. Keiin oǵan qatysty sot protsesi aiaqtalyp, jylqyshy raqymshylyqqa iligip, sot zalynan bosap shyqqan.
Rahat Sársenov «Taiburyl» qojalyǵynda jylqyshy bolyp eńbek etken. Qojalyqtyń iesi — Tájiǵali Eleýov. Ashyq derekte Sársenovtiń osy sharýashylyqta 1994 jyldan beri jumys istegeni aitylady.
Rahat Sársenovtiń oqiǵasy qoǵam nazaryn aýdaryp, onyń uzaq jyldar boiy jylqy baqqany týraly aqparat áleýmettik jelide keńinen taraǵan.
Tájiǵali Eleýovtiń aitýynsha, Rahat Sársenov onyń sharýashylyǵynda uzaq jyl jylqyshy bolyp jumys istegen. Eleýov Rahattyń ishimdikke áýestigi bolǵanyn jáne buryn birneshe jylqy joǵalǵanyn aitqan, biraq ol kezde mán bermegenin jetkizgen.
Kásipkerdiń sózinshe, keiin iri kólemde jylqy joǵalyp, bul iske qatysy bar adamdardyń biri maldy satyp jatqan jerinen ustalǵan. Eleýov sol qylmystyq is boiynsha sot úkimi bar ekenin aityp, joǵalǵan malynyń ótemin Rahat Sársenovten talap etýin zańdy dep sanaitynyn málimdegen.
Sonymen qatar Tájiǵali Eleýov Rahattyń tórt balasyn úilendirýge qarjylai kómekteskenin jáne onyń eki týysyn túrmeden shyǵarýǵa járdemdeskenin aitqan.
