33 jyl boiy jylqy sharýashylyǵymen ainalysqan Rahat Sarsenov jýrnalist Rýslan Ótepbaiǵa bergen suhbatynda basynan ótken aýyr kezeńdi aityp, kózine jas aldy. Bul týraly jýrnalist áleýmettik jelidegi paraqshasynda jariialady, dep habarlaidy ult.kz.
Aitýynsha, qariianyń densaýlyǵy da aitarlyqtai syr bergen. Ol 2025 jyly insýlt alǵanyna qaramastan, keiin 2 ai 2 kún ýaqytsha ustaý izoliatorynda otyrǵan.
«Eń aýyry – 60 jasymdy túrmede qarsy aldym», – deidi Rahat Sarsenov.
Jýrnalist Rýslan Ótepbai bul iske bailanysty jýrnalistik zertteý bastalǵanyn málimdedi.
«33 jylyn jylqy baǵýǵa arnaǵan azamatqa taǵylǵan aiyptyń qanshalyqty negizdi bolǵanyn anyqtaý úshin jýrnalistik zertteýimizdi bastadyq», – dedi ol.
Rahat Sarsenovtiń aitýynsha, ol jyldar boiy adal eńbek etip, sharýashylyǵyn keńeitken. Bir kezderi nebári 14 jylqymen bastaǵan kásibin 1700 basqa deiin jetkizgenin aitady. Alaida keiin oǵan qatysty qylmystyq is qozǵalyp, ózi qamaýǵa alynǵan.
Qazirgi ýaqytta jýrnalist bul istiń mán-jaiyn, aiyptardyń zańdylyǵyn jáne tergeý barysynda qandai zańbuzýshylyqtar bolǵan-bolmaǵanyn anyqtaýǵa kirisken. Rahat Sarsenov ózine taǵylǵan aiyptardyń ádil qaralýyna úmittenetinin jetkizdi.
