33 جىل بويى جىلقى شارۋاشىلىعىمەن اينالىسقان راحات سارسەنوۆ جۋرناليست رۋسلان ٶتەپبايعا بەرگەن سۇحباتىندا باسىنان ٶتكەن اۋىر كەزەڭدٸ ايتىپ, كٶزٸنە جاس الدى. بۇل تۋرالى جۋرناليست ەلەۋمەتتٸك جەلٸدەگٸ پاراقشاسىندا جارييالادى, دەپ حابارلايدى ult.kz.
ايتۋىنشا, قارييانىڭ دەنساۋلىعى دا ايتارلىقتاي سىر بەرگەن. ول 2025 جىلى ينسۋلت العانىنا قاراماستان, كەيٸن 2 اي 2 كٷن ۋاقىتشا ۇستاۋ يزولياتورىندا وتىرعان.
«ەڭ اۋىرى – 60 جاسىمدى تٷرمەدە قارسى الدىم», – دەيدٸ راحات سارسەنوۆ.
جۋرناليست رۋسلان ٶتەپباي بۇل ٸسكە بايلانىستى جۋرناليستٸك زەرتتەۋ باستالعانىن مەلٸمدەدٸ.
«33 جىلىن جىلقى باعۋعا ارناعان ازاماتقا تاعىلعان ايىپتىڭ قانشالىقتى نەگٸزدٸ بولعانىن انىقتاۋ ٷشٸن جۋرناليستٸك زەرتتەۋٸمٸزدٸ باستادىق», – دەدٸ ول.
راحات سارسەنوۆتٸڭ ايتۋىنشا, ول جىلدار بويى ادال ەڭبەك ەتٸپ, شارۋاشىلىعىن كەڭەيتكەن. بٸر كەزدەرٸ نەبەرٸ 14 جىلقىمەن باستاعان كەسٸبٸن 1700 باسقا دەيٸن جەتكٸزگەنٸن ايتادى. الايدا كەيٸن وعان قاتىستى قىلمىستىق ٸس قوزعالىپ, ٶزٸ قاماۋعا الىنعان.
قازٸرگٸ ۋاقىتتا جۋرناليست بۇل ٸستٸڭ مەن-جايىن, ايىپتاردىڭ زاڭدىلىعىن جەنە تەرگەۋ بارىسىندا قانداي زاڭبۇزۋشىلىقتار بولعان-بولماعانىن انىقتاۋعا كٸرٸسكەن. راحات سارسەنوۆ ٶزٸنە تاعىلعان ايىپتاردىڭ ەدٸل قارالۋىنا ٷمٸتتەنەتٸنٸن جەتكٸزدٸ.
