قازاقستاندا جولبارىستاردى قايتا جەرسٸندٸرۋ باعدارلاماسى اياسىندا امۋر ەسٸمدٸ اتالىق جولبارىس تابيعي ورتاعا جٸبەرٸلدٸ. ول «ٸلە-بالقاش» مەملەكەتتٸك تابيعي رەزەرۆاتىنا شىعارىلعان ەكٸنشٸ جولبارىس اتاندى. بۇل تۋرالى ەكولوگييا جەنە تابيعي رەسۋرستار مينيسترلٸگٸ مەلٸمدەدٸ, دەپ حابارلايدى ult.kz.
وقيعا 2026 جىلعى 31 قازاندا بولدى. بۇعان دەيٸن, 31 شٸلدەدە, ٷمٸت ەسٸمدٸ انالىق جولبارىس تابيعاتقا جٸبەرٸلگەن ەدٸ. وسىلايشا, قازاقستاننىڭ جابايى تابيعاتىندا 70 جىلدان استام ۋاقىت بولماعان جىرتقىشتار تاريحي مەكەنٸنە قايتا ورالا باستادى.
امۋر قازاقستانعا جەتكٸزٸلگەننەن كەيٸن رەزەرۆاتتاعى ارنايى بەيٸمدەۋ قورشاۋىندا ۇستالدى. ماماندار ونىڭ دەنساۋلىعىن, اڭشىلىق داعدىلارىن, ٶزدٸگٸنەن قورەك تابۋ قابٸلەتٸن جەنە ادامعا قاتىستى مٸنەز-قۇلقىن تەكسەرگەن. نەتيجەسٸندە جولبارىستىڭ جابايى تابيعاتتا ٶزدٸگٸنەن تٸرشٸلٸك ەتۋگە دايىن ەكەنٸ انىقتالعان.
ەندٸ ونىڭ قوزعالىسى مەن جاڭا ورتاعا بەيٸمدەلۋٸ سپۋتنيكتٸك باقىلاۋ قارعىباۋى ارقىلى قاداعالانادى.
ەكولوگييا جەنە تابيعي رەسۋرستار مينيسترٸ ەلٸبەك قۋانتىروۆتىڭ ايتۋىنشا, باعدارلامانىڭ باستى ماقساتى – جولبارىستاردى تاريحي مەكەنٸنە قايتارۋمەن شەكتەلمەي, ولاردىڭ تابيعي ورتادا ٶزدٸگٸنەن تٸرشٸلٸك ەتٸپ, كٶبەيە الاتىن تۇراقتى پوپۋلياتسيياسىن قالىپتاستىرۋ.
ايتا كەتەيٸك, قازاقستانعا 2026 جىلعى مامىردا رەسەيدٸڭ حاباروۆسك ٶلكەسٸنەن تٶرت امۋر جولبارىسى جەتكٸزٸلگەن. ولاردىڭ ەكەۋٸ – ەرەسەك جولبارىس, ەكەۋٸ – كٷشٸك. كٷشٸكتەر ەزٸرگە مامانداردىڭ باقىلاۋىندا ٶسٸپ جاتىر. قاجەتتٸ جاسقا جەتٸپ, ۆەتەرينارييالىق تەكسەرۋلەر مەن مٸنەز-قۇلىق سىناقتارىنان ٶتكەن سوڭ, ولاردى دا تابيعاتقا جٸبەرۋ مەسەلەسٸ قارالادى.
جولبارىستاردى قازاقستانعا قايتارۋ جۇمىسى 2018 جىلى «ٸلە-بالقاش» مەملەكەتتٸك تابيعي رەزەرۆاتى قۇرىلعاننان كەيٸن جٷيەلٸ تٷردە قولعا الىنعان. وسى ۋاقىت ٸشٸندە توعايلى ورمانداردى قالپىنا كەلتٸرۋ, جابايى جانۋارلاردىڭ سانىن كٶبەيتۋ جەنە جىرتقىشتاردىڭ قورەكتٸك بازاسىن قالىپتاستىرۋ جۇمىستارى جٷرگٸزٸلدٸ. اتاپ ايتقاندا, 2026 جىلعى قىركٷيەكتە «التىن-ەمەل» ۇلتتىق پاركٸنەن رەزەرۆاتقا 30 قۇلان كٶشٸرٸلگەن.
ماماندار جولبارىستاردىڭ قوزعالىسىن باقىلاپ قانا قويماي, جەرگٸلٸكتٸ تۇرعىنداردىڭ قاۋٸپسٸزدٸگٸن قامتاماسىز ەتۋگە دە باسىمدىق بەرٸپ وتىر. ول ٷشٸن ادام مەن جىرتقىش اراسىنداعى ىقتيمال قاقتىعىستاردىڭ الدىن الۋ توبى قۇرىلعان.
جوبا قازاقستان مەن رەسەيدٸڭ, سونداي-اق حالىقارالىق تابيعات قورعاۋ ۇيىمدارىنىڭ قولداۋىمەن جٷزەگە اسىرىلىپ جاتىر. باعدارلامانىڭ تٷپكٸ ماقساتى – ٸلە ٶزەنٸنٸڭ اتىراۋى مەن وڭتٷستٸك بالقاش ٶڭٸرٸندە تابيعي جاعدايدا تٸرشٸلٸك ەتٸپ, كٶبەيەتٸن جولبارىستار پوپۋلياتسيياسىن قالىپتاستىرۋ.
