Belgili ánshi Jiger Aýypbaev jaqynda ǵana ekinshi ret shańyraq kótergennen keiin alǵash ret jeke ómiri týraly ashyq pikir bildirdi. Óner iesi «Ýaqyt kórsetedi» YouTube arnasyna bergen suhbatynda jary Mýminamen qalai tanysqanyn jáne ne sebepti qaita otbasyn qurýǵa sheshim qabyldaǵanyn aityp berdi, dep habarlaidy ult.kz.
Ánshiniń sózinshe, uzaq ýaqyt jalǵyz júrgennen keiin ómirlik serik tabýdyń mańyzyn tereń túsingen.
«Er adam úshin janynda syrlasatyn, aqyldasatyn jarynyń bolǵany óte mańyzdy. Keide meiramhanada birge otyryp áńgimelesip otyrǵan erli-zaiyptylardy kórip qyzyǵatynmyn. Úige kelgende jalǵyzdyq qatty seziletin. Maǵan ótkenimdi qazbalamaityn, ómir jolymdy qabyldaityn jan kerek boldy», – dedi ol.
Jiger Aýypbaev bul sheshimge asyqpai kelgenin de jasyrmady. Onyń aitýynsha, birneshe arýmen sóileskenimen, basynan-aq ýaqytsha qarym-qatynas emes, bolashaq jaryn izdep júrgenin ashyq aitqan.
«4-5 qyzben sóilestim. Barlyǵyna: “Maǵan jai ǵana qyz-jigit bolyp júrý kerek emes. Bolashaq jarym bolatyn adamdy izdep júrmin” dedim. Keiin Mekkege baryp, Alladan jar tiledim. Almatyǵa oralǵan soń týǵan qaryndasym Mýminamen tanystyrdy», – dedi ánshi.
Óner iesi qazirgi jary Mýminamen aradaǵy jas aiyrmashylyǵy 15 jyl ekenin aitty. Búginde Mýmina 23 jasta. Ekeýi bir jyl boiy aralasyp, bir-birin jaqynyraq tanyǵannan keiin ǵana otbasyn qurýǵa sheshim qabyldaǵan.
«Mýmina meni qatty jaqsy kóredi, qurmetteidi, azamat retinde baǵalaidy. Úlken ulym 15 jasta, iaǵni Mýminadan segiz jas kishi», – dep bólisti Jiger Aýypbaev.
