Astana qalasynda ótip jatqan boks keshinde qazaqstandyq kásipqoi boksshy Jánibek Álimhanuly braziliialyq Jilberto Pereirý dos Santosty upai sanymen jeńdi.
Alty raýndqa sozylǵan jekpe-jek tartysqa toly boldy. Qazaq boksshysy qarsylasyn barlyq raýnd boiy soqqynyń astyna alǵanmen, kezdesý nokaýdpen aiaqtalmady. Alaida tóreshiler bir aýyzdan jeńisti Jánibek Álimhanulyna berdi.
Osylaisha, jerlesimiz kásipqoi bokstaǵy ekinshi kezdesýin jeńispen aiaqtady.
Aita ketsek, buǵan deiin alǵashqy jekpe-jekte qazaqstandyq boksshy Meiirim Nursultanov bir minýttyń ishinde óz qarsylasyn nokaýtpen jeńgen bolatyn.
Ekinshi kezdesýde Dimash Niiazov braziliialyq Edýardo Pereirany upai sanymen jeńdi.
Úshinshi jekpe-jekte Aidos Erbosynuly argentinalyq Djonatan Barbadilony nokaýtpen jeńdi.
Tórtinshi kezdesýde Áli Ahmetov amerikalyq Tomas Djastindi texnikalyq nokaýtpen jeńdi.
Odan keiingi kezdesýde Nursultan Jańabaev braziliialyq Aleks Dýarteni de nokaýtpen jeńdi.
Altynshy jekpe-jekte Rýslan Myrsataev argentinalyq Andreas Matias Afranlidi aiqyn utty.
