Aktrisa Dariǵa Badyqova Ashat Sadyrbaiǵa bergen suhbatynda otbasyndaǵy jaýapkershilik pen turmystyq qiyndyqtar týraly oiyn aitty, dep habarlaidy ult.kz.

Óner iesiniń pikirinshe, qiyndyqqa tap bolǵan adam oǵan moiymai, jaǵdaiyn jaqsartýdyń jolyn izdeýi kerek. Áńgime barysynda ol bala tárbiesi men otbasynyń materialdyq múmkindigine de toqtaldy.

Badyqova keibir otbasylardyń bes-alty balaly bola tura, olardyń tamaǵy men kúndelikti qajetine qarajat taba almai otyrǵanyn sóz etti. Osyǵan qatysty aktrisa:

“Mal tappaityn erkektiń urpaǵyn kóbeitýdiń qajeti joq”, – dedi.

Ózi bir otbasynyń tamaǵyn, bir otbasynyń kiimin túgendep beretinin sóz etti.

Aita keteiik, Dariǵa Badyqova jeke ómirine qatysty alǵash ret ún qatty.

Dariǵa Badyqova kim?

Dariǵa Badyqova - qazaqstandyq aktrisa ári prodiýser. Ol 1985 jyly 1 jeltoqsanda Jambyl oblysynyń Moiynqum aýylynda dúniege kelgen. T. Júrgenov atyndaǵy Qazaq ulttyq óner akademiiasynda bilim alǵan. Óner jolynda rejisser Bolat Atabaevtyń “Aqsarai” mýzykalyq teatrynda eńbek etken.

Kópshilikke “Kelinjan” telehikaiasyndaǵy Aisara róli arqyly keńinen tanyldy. Keiin osy jobanyń tolyqmetrajdy filmderine de tústi. Aktrisa “Qazaqsha biznes” filmder seriiasynda jáne “Gýdbai, moi bai!” komediialarynda óner kórsetken.

Badyqova akterlikpen qatar, kino óndirisinde prodiýser retinde de jumys isteidi. Ol basty rólderdiń birin somdaǵan “Hotia by v kino” filminde prodiýserlik qyrynan tanyldy. Bul týyndyda akter Oljas Abaimen birge oinaǵan.