اكتريسا داريعا بادىقوۆا اسحات سادىربايعا بەرگەن سۇحباتىندا وتباسىنداعى جاۋاپكەرشٸلٸك پەن تۇرمىستىق قيىندىقتار تۋرالى ويىن ايتتى, دەپ حابارلايدى ult.kz.

ٶنەر يەسٸنٸڭ پٸكٸرٸنشە, قيىندىققا تاپ بولعان ادام وعان مويىماي, جاعدايىن جاقسارتۋدىڭ جولىن ٸزدەۋٸ كەرەك. ەڭگٸمە بارىسىندا ول بالا تەربيەسٸ مەن وتباسىنىڭ ماتەريالدىق مٷمكٸندٸگٸنە دە توقتالدى.

بادىقوۆا كەيبٸر وتباسىلاردىڭ بەس-التى بالالى بولا تۇرا, ولاردىڭ تاماعى مەن كٷندەلٸكتٸ قاجەتٸنە قاراجات تابا الماي وتىرعانىن سٶز ەتتٸ. وسىعان قاتىستى اكتريسا:

“مال تاپپايتىن ەركەكتٸڭ ۇرپاعىن كٶبەيتۋدٸڭ قاجەتٸ جوق”, – دەدٸ.

ٶزٸ بٸر وتباسىنىڭ تاماعىن, بٸر وتباسىنىڭ كيٸمٸن تٷگەندەپ بەرەتٸنٸن سٶز ەتتٸ.

ايتا كەتەيٸك, داريعا بادىقوۆا جەكە ٶمٸرٸنە قاتىستى العاش رەت ٷن قاتتى.

داريعا بادىقوۆا كٸم?

داريعا بادىقوۆا - قازاقستاندىق اكتريسا ەرٸ پروديۋسەر. ول 1985 جىلى 1 جەلتوقساندا جامبىل وبلىسىنىڭ مويىنقۇم اۋىلىندا دٷنيەگە كەلگەن. ت. جٷرگەنوۆ اتىنداعى قازاق ۇلتتىق ٶنەر اكادەميياسىندا بٸلٸم العان. ٶنەر جولىندا رەجيسسەر بولات اتاباەۆتىڭ “اقساراي” مۋزىكالىق تەاترىندا ەڭبەك ەتكەن.

كٶپشٸلٸككە “كەلٸنجان” تەلەحيكاياسىنداعى ايسارا رٶلٸ ارقىلى كەڭٸنەن تانىلدى. كەيٸن وسى جوبانىڭ تولىقمەتراجدى فيلمدەرٸنە دە تٷستٸ. اكتريسا “قازاقشا بيزنەس” فيلمدەر سەريياسىندا جەنە “گۋدباي, موي باي!” كومەدييالارىندا ٶنەر كٶرسەتكەن.

بادىقوۆا اكتەرلٸكپەن قاتار, كينو ٶندٸرٸسٸندە پروديۋسەر رەتٸندە دە جۇمىس ٸستەيدٸ. ول باستى رٶلدەردٸڭ بٸرٸن سومداعان “حوتيا بى ۆ كينو” فيلمٸندە پروديۋسەرلٸك قىرىنان تانىلدى. بۇل تۋىندىدا اكتەر ولجاس ابايمەن بٸرگە ويناعان.