Tanymal ánshi Meirambek Bespaevtyń jubaiy Marhabat óner iesimen alǵash kezdesken sátin eske aldy. Ol bolashaq kúieýiniń nazaryn kútpegen jerden aýdarǵanyn “Habar” arnasynyń “MýzART – 25 jyl” ánsapar kúndeliginde aityp berdi, dep habarlaidy ult.kz.
Marhabattyń sózinshe, olardyń tanystyǵy 2002 jyly Almatydaǵy Respýblika saraiynda bastalǵan. Sol kúni kontsertten keiin jankúier qyzdar ánshilermen sýretke túsýge asyqqan. Al Marhabat kópshilikke qosylmai, shette turǵan. Onyń bul áreketi Meirambektiń nazarynan tys qalmapty.
“2002 jyly osy Respýblika saraiynda tanysqanbyz. Olar án aityp bolyp shyqty. Qyzdardyń bári sýretke túsemiz dep júgirdi. Men: “Kim? Nege júgirip jatyr?” dep turmyn. Sol kezde meni kórip: “Ana qyz nege sýretke túsýge kelmei tur? Shaqyryńdar”, – dedi. Men de: “Jaraidy, túse salaiyn”, – dedim. Sol kezde “Tanysaiyq” dep, tanystyǵymyz bastaldy”, – dedi Marhabat.
Osylaisha, ánshimen sýretke túsýge asyqpaǵan boijetkenniń ózi onyń nazaryn aýdaryp, kezdeisoq júzdesý bolashaq otbasynyń qurylýyna sebep bolǵan.
Aita keteiik, Marhabat buǵan deiin de alǵashqy tanystyqtary jaily esteligimen bólisken. Onyń aitýynsha, ekeýi 2002 jyldyń jeltoqsanynda tanysqan. Sol kezde qurbysynyń shaqyrýymen stýdentter keshine barǵan ol “MýzART” tobyn da, Meirambek Bespaevty da tanymaǵan. Bul týraly ánshiniń jary 2024 jyly aityp, alǵashqy kezdesýde túsirilgen sýretti de kópshilikke kórsetken. KAZ.NUR.KZ basylymy osy estelik týraly jazǵan. Ýaqyt óte olardyń tanystyǵy mahabbatqa ulasyp, 2004 jylǵy 8 shildede shańyraq kótergen. Massaget.kz málimetinshe, jup 2014 jyly otbasylyq ómiriniń on jyldyǵyn atap ótken.
Baǵdarlamada Marhabat joldasynyń shyǵarmashylyq ujymy – “MýzART” tobynyń 25 jyldyq mereitoiyna orai izgi tilegin de arnady.
“25 jyldyqtaryńyz qutty bolsyn! Alla qalasa, 50 jyldyqta da osylai úsh kún kontsert berý buiyrsyn. Alla násip etsin”, – dep aqjarma tilegin jetkizdi ol.
Osylaisha, bir kezderi ánshimen sýretke túsýge qyzyqpaǵan Marhabat keiin onyń ómirlik serigine ainaldy.
Meirambek Bespaev kim?
Meirambek Ábiláshimuly Bespaev – qazaqstandyq tanymal ánshi, termeshi, akter jáne “MýzART” tobynyń múshesi. Ol 1976 jyly Jambyl oblysynyń Talas aýdanynda dúniege kelgen. Bolashaq ánshi bala kezinen mýzykaǵa qyzyǵýshylyq tanytyp, óner jolyn erte bastaǵan. Taraz qalasyndaǵy Glinka atyndaǵy mýzykalyq mekteptiń qobyz synybynda bilim alǵan. 1989 jyly Almatydaǵy Kúlásh Baiseiitova atyndaǵy mýzykalyq mektepke aýysqan. Keiin Turar Júrgenov atyndaǵy óner akademiiasynda akterlik mamandyq boiynsha bilim alǵan. Eńbek jolyn Súiinbai atyndaǵy filarmoniiada ánshi retinde bastaǵan. Jas kezinen “Boztorǵai” ánin oryndap, kópshilikke tanylyp, “qazaqtyń Boztorǵaiy” atanǵan.
Onyń repertýarynda “Kesh jaryq”, “Shashbaýlym”, “Óz elim” siiaqty tanymal shyǵarmalar bar. 2002-2007 jyldary “Qazaqkontsert” uiymynda ánshi bolyp qyzmet atqarǵan. Ol Sáken Maiǵaziev jáne Kenjebek Janábilovpen birge “MýzART” tobynyń quramynda óner kórsetip, qazaq estradasynyń damýyna úles qosty.
Meirambek Bespaev “Ǵashyq júrek” jáne “Ǵashyq júrek 2” filmderine de túsken. Ónerdegi jetistikteri úshin “Daryn” memlekettik jastar syilyǵyn ielengen. 2012 jyly oǵan “Qazaqstannyń eńbek sińirgen qairatkeri” qurmetti ataǵy berildi. Ánshiniń jubaiy – Marhabat, ekeýi 2004 jyly shańyraq kótergen.
