تانىمال ەنشٸ مەيرامبەك بەسپاەۆتىڭ جۇبايى مارحابات ٶنەر يەسٸمەن العاش كەزدەسكەن سەتٸن ەسكە الدى. ول بولاشاق كٷيەۋٸنٸڭ نازارىن كٷتپەگەن جەردەن اۋدارعانىن “حابار” ارناسىنىڭ “مۋزارت – 25 جىل” ەنساپار كٷندەلٸگٸندە ايتىپ بەردٸ, دەپ حابارلايدى ult.kz.
مارحاباتتىڭ سٶزٸنشە, ولاردىڭ تانىستىعى 2002 جىلى الماتىداعى رەسپۋبليكا سارايىندا باستالعان. سول كٷنٸ كونتسەرتتەن كەيٸن جانكٷيەر قىزدار ەنشٸلەرمەن سۋرەتكە تٷسۋگە اسىققان. ال مارحابات كٶپشٸلٸككە قوسىلماي, شەتتە تۇرعان. ونىڭ بۇل ەرەكەتٸ مەيرامبەكتٸڭ نازارىنان تىس قالماپتى.
“2002 جىلى وسى رەسپۋبليكا سارايىندا تانىسقانبىز. ولار ەن ايتىپ بولىپ شىقتى. قىزداردىڭ بەرٸ سۋرەتكە تٷسەمٸز دەپ جٷگٸردٸ. مەن: “كٸم? نەگە جٷگٸرٸپ جاتىر?” دەپ تۇرمىن. سول كەزدە مەنٸ كٶرٸپ: “انا قىز نەگە سۋرەتكە تٷسۋگە كەلمەي تۇر? شاقىرىڭدار”, – دەدٸ. مەن دە: “جارايدى, تٷسە سالايىن”, – دەدٸم. سول كەزدە “تانىسايىق” دەپ, تانىستىعىمىز باستالدى”, – دەدٸ مارحابات.
وسىلايشا, ەنشٸمەن سۋرەتكە تٷسۋگە اسىقپاعان بويجەتكەننٸڭ ٶزٸ ونىڭ نازارىن اۋدارىپ, كەزدەيسوق جٷزدەسۋ بولاشاق وتباسىنىڭ قۇرىلۋىنا سەبەپ بولعان.
ايتا كەتەيٸك, مارحابات بۇعان دەيٸن دە العاشقى تانىستىقتارى جايلى ەستەلٸگٸمەن بٶلٸسكەن. ونىڭ ايتۋىنشا, ەكەۋٸ 2002 جىلدىڭ جەلتوقسانىندا تانىسقان. سول كەزدە قۇربىسىنىڭ شاقىرۋىمەن ستۋدەنتتەر كەشٸنە بارعان ول “مۋزارت” توبىن دا, مەيرامبەك بەسپاەۆتى دا تانىماعان. بۇل تۋرالى ەنشٸنٸڭ جارى 2024 جىلى ايتىپ, العاشقى كەزدەسۋدە تٷسٸرٸلگەن سۋرەتتٸ دە كٶپشٸلٸككە كٶرسەتكەن. KAZ.NUR.KZ باسىلىمى وسى ەستەلٸك تۋرالى جازعان. ۋاقىت ٶتە ولاردىڭ تانىستىعى ماحابباتقا ۇلاسىپ, 2004 جىلعى 8 شٸلدەدە شاڭىراق كٶتەرگەن. Massaget.kz مەلٸمەتٸنشە, جۇپ 2014 جىلى وتباسىلىق ٶمٸرٸنٸڭ ون جىلدىعىن اتاپ ٶتكەن.
باعدارلامادا مارحابات جولداسىنىڭ شىعارماشىلىق ۇجىمى – “مۋزارت” توبىنىڭ 25 جىلدىق مەرەيتويىنا وراي ٸزگٸ تٸلەگٸن دە ارنادى.
“25 جىلدىقتارىڭىز قۇتتى بولسىن! اللا قالاسا, 50 جىلدىقتا دا وسىلاي ٷش كٷن كونتسەرت بەرۋ بۇيىرسىن. اللا نەسٸپ ەتسٸن”, – دەپ اقجارما تٸلەگٸن جەتكٸزدٸ ول.
وسىلايشا, بٸر كەزدەرٸ ەنشٸمەن سۋرەتكە تٷسۋگە قىزىقپاعان مارحابات كەيٸن ونىڭ ٶمٸرلٸك سەرٸگٸنە اينالدى.
مەيرامبەك بەسپاەۆ كٸم?
مەيرامبەك ەبٸلەشٸمۇلى بەسپاەۆ – قازاقستاندىق تانىمال ەنشٸ, تەرمەشٸ, اكتەر جەنە “مۋزارت” توبىنىڭ مٷشەسٸ. ول 1976 جىلى جامبىل وبلىسىنىڭ تالاس اۋدانىندا دٷنيەگە كەلگەن. بولاشاق ەنشٸ بالا كەزٸنەن مۋزىكاعا قىزىعۋشىلىق تانىتىپ, ٶنەر جولىن ەرتە باستاعان. تاراز قالاسىنداعى گلينكا اتىنداعى مۋزىكالىق مەكتەپتٸڭ قوبىز سىنىبىندا بٸلٸم العان. 1989 جىلى الماتىداعى كٷلەش بايسەيٸتوۆا اتىنداعى مۋزىكالىق مەكتەپكە اۋىسقان. كەيٸن تۇرار جٷرگەنوۆ اتىنداعى ٶنەر اكادەميياسىندا اكتەرلٸك ماماندىق بويىنشا بٸلٸم العان. ەڭبەك جولىن سٷيٸنباي اتىنداعى فيلارمونييادا ەنشٸ رەتٸندە باستاعان. جاس كەزٸنەن “بوزتورعاي” ەنٸن ورىنداپ, كٶپشٸلٸككە تانىلىپ, “قازاقتىڭ بوزتورعايى” اتانعان.
ونىڭ رەپەرتۋارىندا “كەش جارىق”, “شاشباۋلىم”, “ٶز ەلٸم” سيياقتى تانىمال شىعارمالار بار. 2002-2007 جىلدارى “قازاقكونتسەرت” ۇيىمىندا ەنشٸ بولىپ قىزمەت اتقارعان. ول سەكەن مايعازيەۆ جەنە كەنجەبەك جانەبٸلوۆپەن بٸرگە “مۋزارت” توبىنىڭ قۇرامىندا ٶنەر كٶرسەتٸپ, قازاق ەستراداسىنىڭ دامۋىنا ٷلەس قوستى.
مەيرامبەك بەسپاەۆ “عاشىق جٷرەك” جەنە “عاشىق جٷرەك 2” فيلمدەرٸنە دە تٷسكەن. ٶنەردەگٸ جەتٸستٸكتەرٸ ٷشٸن “دارىن” مەملەكەتتٸك جاستار سىيلىعىن يەلەنگەن. 2012 جىلى وعان “قازاقستاننىڭ ەڭبەك سٸڭٸرگەن قايراتكەرٸ” قۇرمەتتٸ اتاعى بەرٸلدٸ. ەنشٸنٸڭ جۇبايى – مارحابات, ەكەۋٸ 2004 جىلى شاڭىراق كٶتەرگەن.
