استانا قالاسىندا ٶتٸپ جاتقان بوكس كەشٸندە قازاقستاندىق كەسٸپقوي بوكسشى جەنٸبەك ەلٸمحانۇلى برازيلييالىق جيلبەرتو پەرەيرۋ دوس سانتوستى ۇپاي سانىمەن جەڭدٸ.
التى راۋندقا سوزىلعان جەكپە-جەك تارتىسقا تولى بولدى. قازاق بوكسشىسى قارسىلاسىن بارلىق راۋند بويى سوققىنىڭ استىنا العانمەن, كەزدەسۋ نوكاۋدپەن اياقتالمادى. الايدا تٶرەشٸلەر بٸر اۋىزدان جەڭٸستٸ جەنٸبەك ەلٸمحانۇلىنا بەردٸ.
وسىلايشا, جەرلەسٸمٸز كەسٸپقوي بوكستاعى ەكٸنشٸ كەزدەسۋٸن جەڭٸسپەن اياقتادى.
ايتا كەتسەك, بۇعان دەيٸن العاشقى جەكپە-جەكتە قازاقستاندىق بوكسشى مەيٸرٸم نۇرسۇلتانوۆ بٸر مينۋتتىڭ ٸشٸندە ٶز قارسىلاسىن نوكاۋتپەن جەڭگەن بولاتىن.
ەكٸنشٸ كەزدەسۋدە ديماش نييازوۆ برازيلييالىق ەدۋاردو پەرەيرانى ۇپاي سانىمەن جەڭدٸ.
ٷشٸنشٸ جەكپە-جەكتە ايدوس ەربوسىنۇلى ارگەنتينالىق دجوناتان بارباديلونى نوكاۋتپەن جەڭدٸ.
تٶرتٸنشٸ كەزدەسۋدە ەلي احمەتوۆ امەريكالىق توماس دجاستيندٸ تەxنيكالىق نوكاۋتپەن جەڭدٸ.
ودان كەيٸنگٸ كەزدەسۋدە نۇرسۇلتان جاڭاباەۆ برازيلييالىق الەكس دۋارتەنٸ دە نوكاۋتپەن جەڭدٸ.
التىنشى جەكپە-جەكتە رۋسلان مىرساتاەۆ ارگەنتينالىق اندرەاس ماتياس افرانليدٸ ايقىن ۇتتى.
