تانىمال اكتريسا داريعا بادىقوۆا جۇبايى, اكتەر ولجاس ابايمەن قارىم-قاتىناسىنىڭ قالاي باستالعانىن جەنە ەكەۋٸنٸڭ شاڭىراق كٶتەرۋگە قالاي شەشٸم قابىلداعانىن ايتىپ بەردٸ. ٶنەر يەسٸ سٷيٸكتٸسٸنٸڭ قالاي سٶز سالعانىن دا جاسىرمادى, دەپ حابارلايدى ult.kz.
اكتريسا Instagram پاراقشاسىندا ولجاس ابايمەن ٶتكەن قۇدالىق رەسٸمٸنەن سۋرەتتەر جارييالاپ, كٶپشٸلٸككە وسى كٷنگە دەيٸن بەلگٸسٸز بولىپ كەلگەن ەستەلٸكتەرٸمەن بٶلٸستٸ.
داريعانىڭ ايتۋىنشا, ەكەۋٸنٸڭ اراسىندا العاشىندا ماحاببات بولماعان. ولار تەك جۇمىس بارىسىندا ارالاسىپ, تٷسٸرٸلٸم الاڭىندا بٸرگە جٷرگەن. تٸپتٸ جيٸ كەلٸسپەي, سٶزگە كەلٸپ قالاتىن كەزدەرٸ دە بولىپتى.
«جالپى بٸز كەزدەسكەن كٷننەن ماحاببات بولعان جوق! تەك جۇمىس, تٷسٸرٸلٸم دەپ جٷردٸك. كٷندە ۇرىسىپ قالاتىنىمىز. ول دا قايتپايدى, مەن دە قايتپايمىن», – دەپ جازدى اكتريسا.
ۋاقىت ٶتە كەلە ولاردىڭ قارىم-قاتىناسى ٶزگەرە باستاعان. دەگەنمەن ەكەۋٸ بٸردەن تٸل تابىسىپ كەتە الماعان. اكتريسا تٸپتٸ بٸر-بٸرٸن ەلەۋمەتتٸك جەلٸدە بۇعاتتاپ تاستاعان كەزدەرٸ بولعانىن جاسىرمادى.
«وقىرماندارىم جازىپ جاتىر, تٸپتٸ بٸر-بٸرٸڭٸزدەن وتپيسكا جاساعان كەزدەرٸڭٸز بولدى عوي دەپ. يە, بالا سيياقتى بلوكقا جٸبەرەتٸنبٸز. بٸزگە ماحاببات وڭاي كەلمەدٸ. ٷيلەنەمٸز دەگەن شەشٸمگە بٸردەن كەلمەدٸ. جاۋاپكەرشٸلٸكتەن قورقىپ تا جٷردٸك», – دەدٸ ول.
اكتريسانىڭ سٶزٸنشە, بٸر كٷنٸ ەكەۋٸ اشىق سٶيلەسٸپ, قارىم-قاتىناستارىن توقتاتۋعا شەشٸم قابىلداعان. وسىلايشا ەرقايسىسى ٶز جولىمەن كەتكەن.
«بٸر كٷنٸ وتىرىپ سٶيلەستٸك, بولدى, وسىمەن توقتاتايىق دەپ. ەكٸ جاققا كەتتٸك. قوي, قۇرسىن, ٶز-ٶزٸمٸزدٸ قولعا الايىق دەپ. سىلتاۋ ٸزدەپ, قولعا الماي جٷرگەن ادامدار سيياقتىمىز. باسقا دا پروبلەمالار بولدى. سونىمەن ەكەۋٸمٸز ەكٸ قالادا جٷردٸك», – دەپ ەسكە الدى داريعا.
الايدا اراقاشىقتىق ولاردىڭ بٸر-بٸرٸنە دەگەن سەزٸمٸن ٶشٸرمەگەن. داريعانىڭ ايتۋىنشا, ولجاس دۋبايعا ۇشىپ كەتكەنٸمەن, كٶپ ۇزاماي سٷيٸكتٸسٸن ساعىنىپ, قايتا ورالعان.
«باليدەن دۋبايعا ۇشتىم, ۇمىتۋعا سىلتاۋ ٸزدەپ. ۋجە دۋبايدان قايتاتىن ۋاقىت بولدى. تاڭەرتەڭ سووبششەنيە كەلٸپتٸ: "داريعا, قالايسىڭ? قاشان قايتاسىڭ?" دەپ. "جاۋاپ بەرمەدٸم". ەكٸ ساعات ٶتكەن سوڭ: "سەنٸ ەبدەن ساعىندىم" دەپ جازىپتى. ماعان دا كەرەگٸ سول ەدٸ, بيلەت الىپ ۇشىپ كەلدٸم», – دەپ جازدى اكتريسا.
وسى وقيعادان كەيٸن ەكەۋٸ قايتا تابىسىپ, بولاشاقتارىنا قاتىستى ماڭىزدى شەشٸم قابىلداعان.
داريعا بادىقوۆا سٷيٸكتٸسٸنٸڭ ٶزٸنە قالاي سٶز سالعانىن دا ايتىپ ٶتتٸ. ونىڭ سٶزٸنشە, ولجاس دەستٷرلٸ تٷردە تٸزەرلەپ وتىرىپ ۇسىنىس جاساماعان. ونىڭ ورنىنا ەرەكشە سىيلىق دايىنداپتى.
«ولجاس سالت-دەستٷردەن اتتاماي, بەرٸن ٶز جٶنٸمەن جاسادى. كەلگەن كٷنٸ وسى سىرعانى سالىپ, ٷيلەنەيٸك دەدٸ. مٸنە, ٶتكەن تاريح!» – دەدٸ اكتريسا.
جارييالانعان سۋرەتتەردٸڭ بٸرٸندە Bulgari برەندٸنٸڭ سىرعاسى كٶرسەتٸلگەن. داريعانىڭ ايتۋىنشا, دەل وسى ەشەكەي ولاردىڭ وتباسىن قۇرۋ تۋرالى شەشٸمٸنٸڭ ەرەكشە ەستەلٸگٸنە اينالعان.
اكتريسا ەكٸ جاقتىڭ انالارى دا بالالارىنىڭ قوسىلۋىن قالاعانىن جەتكٸزدٸ.
«مامالارىمىز ريزا. جالعىز جٷرگەنٸمٸزدٸ قالاماۋشى ەدٸ. ەكەۋٸ باس قوسسا ەكەن دەپ», – دەپ جازدى ول.
ٶنەر يەسٸ ولجاس ەكەۋٸنٸڭ بٸرگە ٶتكٸزگەن قيىندىقتارى قارىم-قاتىناستارىن نىعايتا تٷسكەنٸن اتاپ ٶتتٸ.
«بٸر-بٸرٸنە ٶمٸردٸ قالاي سٷرۋ كەرەك ەكەنٸن ٷيرەتكەن, ماحابباتتىڭ قانداي بولاتىنىن ٷيرەتكەن, قيىندىق بولسا بٸرگە بولۋدى ٷيرەتكەن, بٸر-بٸرٸنە اۋاداي كەرەك ادامدارعا قيىننىڭ قيىنى بولدى», – دەپ جازدى اكتريسا.
سونداي-اق ول ۋاقىت ٶتە كەلە ەكەۋٸنٸڭ دە قارىم-قاتىناسقا دەگەن كٶزقاراسى ٶزگەرگەنٸن جەتكٸزدٸ.
«جىلدار ٶتە, كٷندەر ٶتە, ەموتسييانى اقىلعا سالا باستادىق», – دەدٸ داريعا بادىقوۆا.
اكتريسا جازباسىن ولجاس اباي ەكەۋٸنٸڭ رەسمي تٷردە ەرلٸ-زايىپتى اتانعانىن حابارلاۋمەن اياقتادى.
«سونىمەن, باسىمىز بوس ەمەس ەرلٸ-زايىپتى جۇپ بولدىق», – دەپ قۋانىشىمەن بٶلٸستٸ ٶنەر يەسٸ.
ەسكە سالا كەتەيٸك, 12 قازان كٷنٸ قوس عاشىقتىڭ ٷيلەنۋ تويى ٶتٸپ, جاقىندارى قۋانىشتارىنا ورتاقتاسقان ەدٸ.
داريعا بادىقوۆا كٸم?
داريعا بولاتقىزى بادىقوۆا – قازاقستاندىق تانىمال اكتريسا, ەنشٸ جەنە كينوپروديۋسەر. ول 1985 جىلى 1 جەلتوقساندا جامبىل وبلىسىنىڭ مويىنقۇم اۋىلىندا دٷنيەگە كەلگەن. بولاشاق اكتريسا تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىندا «مۋزىكالىق دراما جەنە رەجيسسۋرا» ماماندىعى بويىنشا بٸلٸم العان. ٶنەر جولىن تەاتر ساحناسىنان باستاپ, رەجيسسەر بولات اتاباەۆتىڭ «اقساراي» مۋزىكالىق تەاترىندا ەڭبەك ەتكەن. تەاتردا عابيت مٷسٸرەپوۆتٸڭ «قىز جٸبەك» قويىلىمىنداعى قامقا بەينەسٸن سومداعان. كەيٸن كينو جەنە تەلەحيكايالارعا تٷسٸپ, كٶرەرمەنگە كەڭٸنەن تانىلا باستادى. ول «عاشىق جٷرەك», «تراكتورشىنىڭ ماحابباتى» جەنە «ابايلاڭىز, سيىر!» جوبالارىنا قاتىسقان. اكتريساعا ەرەكشە تانىمالدىلىق ەكەلگەن تۋىندى – «كەلٸنجان» تەلەحيكاياسى. بۇل سەريالدا ول ايسارا ەسٸمدٸ كەيٸپكەردٸ سومداپ, كٶپشٸلٸكتٸڭ ىقىلاسىنا بٶلەندٸ. كەيٸن «قازاقشا بيزنەس» فيلمدەر سەريياسىنا دا تٷستٸ.
2023 جىلى «تاپتىم-اۋ سەنٸ» رومانتيكالىق كومەديياسى ارقىلى ٶزٸن كينوپروديۋسەر رەتٸندە تانىتتى. فيلمدە باستى رٶلدەردٸڭ بٸرٸن اكتەر ولجاس ابايمەن بٸرگە سومدادى. 2024 جىلى اقپاندا NTK تەلەارناسى اتالعان فيلمنٸڭ كاسسالىق تابىسى 1 ميلليارد 850 ميلليون تەڭگەگە جەتكەنٸن حابارلادى. كەيٸن اكتريسا «تاپتىم-اۋ سەنٸ» فيلمٸنٸڭ جالعاسىن تٷسٸرٸپ, پروديۋسەرلٸك قىزمەتٸن جالعاستىردى. داريعا بادىقوۆا بٷگٸندە اكتەرلٸك ٶنەر مەن كينو ٶندٸرٸسٸن قاتار الىپ جٷرگەن قازاقستاندىق ٶنەر يەلەرٸنٸڭ بٸرٸ.
