Mańǵystaý oblysynda ata-anasynyń ruqsatynsyz kólikke otyrǵan jasóspirim transformatorǵa soǵylyp, tutas aýyldy jaryqsyz qaldyrdy. Oqiǵadan keiin onyń anasy turǵyndardan keshirim surady, dep habarlaidy ult.kz.
Lada.kz málimetinshe, Mańǵystaý oblysynyń Teńge aýylynda jasóspirim ata-anasyna tiesili Toyota 4Runner kóligin ruqsatsyz aidap shyǵyp, transformatorǵa soǵylǵan. Saldarynan elektr jabdyǵy zaqymdanyp, aýylda jaryq óshti.
Jańaózen qalalyq politsiia basqarmasynyń málimetinshe, oqiǵa 23 qazan kúni keshke bolǵan.
Oqiǵadan keiin jasóspirimniń anasy aýyl turǵyndarynan keshirim surap, balasynyń kólikti ruqsatsyz alyp ketkenin moiyndady.
«Kámeletke tolmaǵan ulym kólikti ruqsatsyz alyp ketip, transformatorǵa soǵyldy. Qolaisyzdyq týǵyzǵanymyz úshin barshańyzdan shyn júrekten keshirim suraimyn», – dedi ol.
Politsiia ata-analarǵa balalardyń kólikti óz betinshe basqarýyna jol bermeýdi eskertti. Sondai-aq kólik kiltterin kámeletke tolmaǵandardyń qoly jetpeitin jerde saqtaý qajettigin atap ótti.
Vedomstvo ókilderi ata-analardy saqtyqqa shaqyryp, bir sáttik jaýapsyzdyqtyń ózi eleýli zardaptarǵa ákelýi múmkin ekenin eske saldy.
