ماڭعىستاۋ وبلىسىندا اتا-اناسىنىڭ رۇقساتىنسىز كٶلٸككە وتىرعان جاسٶسپٸرٸم ترانسفورماتورعا سوعىلىپ, تۇتاس اۋىلدى جارىقسىز قالدىردى. وقيعادان كەيٸن ونىڭ اناسى تۇرعىنداردان كەشٸرٸم سۇرادى, دەپ حابارلايدى ult.kz.
Lada.kz مەلٸمەتٸنشە, ماڭعىستاۋ وبلىسىنىڭ تەڭگە اۋىلىندا جاسٶسپٸرٸم اتا-اناسىنا تيەسٸلٸ Toyota 4Runner كٶلٸگٸن رۇقساتسىز ايداپ شىعىپ, ترانسفورماتورعا سوعىلعان. سالدارىنان ەلەكتر جابدىعى زاقىمدانىپ, اۋىلدا جارىق ٶشتٸ.
جاڭاٶزەن قالالىق پوليتسييا باسقارماسىنىڭ مەلٸمەتٸنشە, وقيعا 23 قازان كٷنٸ كەشكە بولعان.
وقيعادان كەيٸن جاسٶسپٸرٸمنٸڭ اناسى اۋىل تۇرعىندارىنان كەشٸرٸم سۇراپ, بالاسىنىڭ كٶلٸكتٸ رۇقساتسىز الىپ كەتكەنٸن مويىندادى.
«كەمەلەتكە تولماعان ۇلىم كٶلٸكتٸ رۇقساتسىز الىپ كەتٸپ, ترانسفورماتورعا سوعىلدى. قولايسىزدىق تۋعىزعانىمىز ٷشٸن بارشاڭىزدان شىن جٷرەكتەن كەشٸرٸم سۇرايمىن», – دەدٸ ول.
پوليتسييا اتا-انالارعا بالالاردىڭ كٶلٸكتٸ ٶز بەتٸنشە باسقارۋىنا جول بەرمەۋدٸ ەسكەرتتٸ. سونداي-اق كٶلٸك كٸلتتەرٸن كەمەلەتكە تولماعانداردىڭ قولى جەتپەيتٸن جەردە ساقتاۋ قاجەتتٸگٸن اتاپ ٶتتٸ.
ۆەدومستۆو ٶكٸلدەرٸ اتا-انالاردى ساقتىققا شاقىرىپ, بٸر سەتتٸك جاۋاپسىزدىقتىڭ ٶزٸ ەلەۋلٸ زارداپتارعا ەكەلۋٸ مٷمكٸن ەكەنٸن ەسكە سالدى.
