Alaiaqtar endi joǵary tabys ýáde etip, «neirojeli», «tokendelgen altyn» jáne kriptovaliýta arqyly azamattardyń aqshasyn iemdenýge tyrysýda, dep habarlaidy ult.kz.
Qazaqstan Ulttyq banki azamattardy internette taralyp jatqan jańa investitsiialyq alaiaqtyq shemalarynan saq bolýǵa shaqyrdy.
Vedomstvo málimetinshe, sońǵy ýaqytta áleýmettik jelilerde, messendjerlerde jáne túrli forýmdarda alaiaqtar ózderin investitsiialyq kompaniialardyń ókili retinde tanystyryp, jalǵan jarnamalar taratýdy kóbeitken.
Olar azamattarǵa «tokendelgen altynǵa», «jasandy intellekt negizindegi tabysty jobalarǵa» nemese «avtomatty treider-robottarǵa» qarjy quisa, qysqa ýaqytta úlken paida tabýǵa bolatynyn ýáde etedi.
Alaiaqtar aldymen ózin qarjylyq keńesshi retinde tanystyryp, arnaiy investitsiialyq platformalarǵa nemese kriptovaliýta servisterine tirkelýge kóndiredi. Jalǵan saittarda shynaiy investitsiialyq júiege uqsas grafikter, mámileler tarihy, jeke kabinet jáne qoldaý qyzmeti kórsetiledi.
Kei jaǵdaida qylmyskerler senimge kirý úshin alǵashqy shaǵyn somadaǵy «paidany» sheship alýǵa múmkindik beredi. Osy arqyly jábirlenýshini kóbirek aqsha salýǵa yntalandyrady.
Alaida esepshottaǵy qarajat kóbeigennen keiin paidalanýshy aqshasyn qaitara almai qalady. Sol kezde alaiaqtar «salyq», «komissiia» nemese «saqtandyrý tólemi» degen syltaýmen qosymsha aqsha talap etedi. Talap oryndalǵannan keiin bailanysyn úzip, akkaýnttardy buǵattaidy.
Ulttyq bank alaiaqtardyń jalǵan móri, qoly jáne resmi qujattarǵa uqsas derektemelerdi paidalanyp, óz áreketterine zańdy sipat berýge tyrysatynyn eskertti.
Sonymen qatar bank ókilderi azamattarǵa mańyzdy eskertý jasady: Ulttyq bank qyzmetkerleri eshqashan telefon nemese beineqońyraý arqyly investitsiia usynbaidy, jeke tulǵalardyń shottaryna qyzmet kórsetpeidi jáne halyqpen aqshalai esep aiyryspaidy.
