الاياقتار ەندٸ جوعارى تابىس ۋەدە ەتٸپ, «نەيروجەلٸ», «توكەندەلگەن التىن» جەنە كريپتوۆاليۋتا ارقىلى ازاماتتاردىڭ اقشاسىن يەمدەنۋگە تىرىسۋدا, دەپ حابارلايدى ult.kz.
قازاقستان ۇلتتىق بانكٸ ازاماتتاردى ينتەرنەتتە تارالىپ جاتقان جاڭا ينۆەستيتسييالىق الاياقتىق سحەمالارىنان ساق بولۋعا شاقىردى.
ۆەدومستۆو مەلٸمەتٸنشە, سوڭعى ۋاقىتتا ەلەۋمەتتٸك جەلٸلەردە, مەسسەندجەرلەردە جەنە تٷرلٸ فورۋمداردا الاياقتار ٶزدەرٸن ينۆەستيتسييالىق كومپانييالاردىڭ ٶكٸلٸ رەتٸندە تانىستىرىپ, جالعان جارنامالار تاراتۋدى كٶبەيتكەن.
ولار ازاماتتارعا «توكەندەلگەن التىنعا», «جاساندى ينتەللەكت نەگٸزٸندەگٸ تابىستى جوبالارعا» نەمەسە «اۆتوماتتى ترەيدەر-روبوتتارعا» قارجى قۇيسا, قىسقا ۋاقىتتا ٷلكەن پايدا تابۋعا بولاتىنىن ۋەدە ەتەدٸ.
الاياقتار الدىمەن ٶزٸن قارجىلىق كەڭەسشٸ رەتٸندە تانىستىرىپ, ارنايى ينۆەستيتسييالىق پلاتفورمالارعا نەمەسە كريپتوۆاليۋتا سەرۆيستەرٸنە تٸركەلۋگە كٶندٸرەدٸ. جالعان سايتتاردا شىنايى ينۆەستيتسييالىق جٷيەگە ۇقساس گرافيكتەر, مەمٸلەلەر تاريحى, جەكە كابينەت جەنە قولداۋ قىزمەتٸ كٶرسەتٸلەدٸ.
كەي جاعدايدا قىلمىسكەرلەر سەنٸمگە كٸرۋ ٷشٸن العاشقى شاعىن سوماداعى «پايدانى» شەشٸپ الۋعا مٷمكٸندٸك بەرەدٸ. وسى ارقىلى جەبٸرلەنۋشٸنٸ كٶبٸرەك اقشا سالۋعا ىنتالاندىرادى.
الايدا ەسەپشوتتاعى قاراجات كٶبەيگەننەن كەيٸن پايدالانۋشى اقشاسىن قايتارا الماي قالادى. سول كەزدە الاياقتار «سالىق», «كوميسسييا» نەمەسە «ساقتاندىرۋ تٶلەمٸ» دەگەن سىلتاۋمەن قوسىمشا اقشا تالاپ ەتەدٸ. تالاپ ورىندالعاننان كەيٸن بايلانىسىن ٷزٸپ, اككاۋنتتاردى بۇعاتتايدى.
ۇلتتىق بانك الاياقتاردىڭ جالعان مٶرٸ, قولى جەنە رەسمي قۇجاتتارعا ۇقساس دەرەكتەمەلەردٸ پايدالانىپ, ٶز ەرەكەتتەرٸنە زاڭدى سيپات بەرۋگە تىرىساتىنىن ەسكەرتتٸ.
سونىمەن قاتار بانك ٶكٸلدەرٸ ازاماتتارعا ماڭىزدى ەسكەرتۋ جاسادى: ۇلتتىق بانك قىزمەتكەرلەرٸ ەشقاشان تەلەفون نەمەسە بەينەقوڭىراۋ ارقىلى ينۆەستيتسييا ۇسىنبايدى, جەكە تۇلعالاردىڭ شوتتارىنا قىزمەت كٶرسەتپەيدٸ جەنە حالىقپەن اقشالاي ەسەپ ايىرىسپايدى.
