Zańger Meiirman Shekeev ánshi ári telejúrgizýshi Asha Mataidyń ózine qatysty aitqan sózderine jaýap retinde áleýmettik jelide jazba jariialady, dep habarlaidy ult.kz.
Shekeevtiń aitýynsha, Asha Mataidyń pikirin túsinbei qalǵanyn jasyrmaǵan.
«Asha Mataidyń sózderin maǵan túsinikti tilge aýdaryp beretin maman bar ma? Men ne dedim, dombyram ne dediniń siqy bolyp, túsinbei dal bolyp otyrmyn. Tárbiesi, kókiregi taǵy basqasy nesi?» – dep jazdy zańger.
Sonymen qatar ol ázil aralas jazbasynda oqyrmandarynan óz paraqshasyna jazylýdy surap, kópshilik tirkelse, «keibireýlerdiń» mensinbei qaraýy toqtaityn shyǵar degen oiyn jetkizdi.
«Qazirgi zamanda adamnyń bilimi men dárejesi onyń áleýmettik jelidegi oqyrman sanymen baǵalanatyn boldy ǵoi. Kóbirek tirkelseńizder, maǵan osyndai ártis-blogerler tóbeden qaraǵanyn qoiatyn shyǵar», – dedi ol.
Eske salaiyq, buǵan deiin Asha Matai aldaǵy ýaqytta Parlament depýtattyǵyna úmitker retinde sailaýǵa túsý jospary bar ekenin málimdegen bolatyn. Osydan keiin onyń málimdemesi áleýmettik jelide qyzý talqylanyp, zańger Meiirman Shekeev te óz pikirin bildirdi.
