Zańger Aigúl Orynbek Aqtóbe oblysynda qoǵam nazaryn aýdarǵan jylqyshy Rahat Sársenovtiń isine qatysty óz kózqarasyn bildirip, áleýmettik jelidegi birjaqty aqparatqa súienip sheshim shyǵarmaýǵa shaqyrdy, dep habarlaidy ult.kz.
Onyń aitýynsha, oqiǵaǵa qatysty alǵash taraǵan beinejazba kópshiliktiń emotsiiasyna áser etip, qoǵamda naqty dálelderge emes, áserge negizdelgen pikir qalyptastyrǵan. Sondyqtan istiń tolyq materialdarymen tanyspai turyp, qandai da bir qorytyndy jasaý durys emes ekenin aitty.
Aigúl Orynbektiń sózinshe, Rahat Sársenov apelliatsiialyq sot arqyly tolyq aqtalǵan joq. Ol tek amnistiia negizinde jáne shartty túrde bosatylǵan. Demek, bul onyń buǵan deiin qylmystyq jaýapkershilikke tartylǵanyn joqqa shyǵarmaidy.
Sonymen qatar zańger bul istegi eń mańyzdy másele – insýlt alǵan qart adamnyń áli kúnge deiin aýyr eńbekpen ainalysýǵa májbúr bolýy ekenin atap ótti. Onyń pikirinshe, qoǵam bul jaǵdaidy tek eki taraptyń daýy retinde emes, egde jastaǵy azamattardyń eńbek jáne áleýmettik quqyqtaryn qorǵaý máselesi retinde qarastyrýy tiis.
Sóz sońynda Aigúl Orynbek qoǵamdy emotsiiaǵa berilmei, zań talaptary men naqty derekterge ǵana súienýge shaqyryp, áleýmettik jelilerde taraǵan rastalmaǵan aqparatqa senýdiń qaýipti ekenin eskertti.
