زاڭگەر ايگٷل ورىنبەك اقتٶبە وبلىسىندا قوعام نازارىن اۋدارعان جىلقىشى راحات سەرسەنوۆتٸڭ ٸسٸنە قاتىستى ٶز كٶزقاراسىن بٸلدٸرٸپ, ەلەۋمەتتٸك جەلٸدەگٸ بٸرجاقتى اقپاراتقا سٷيەنٸپ شەشٸم شىعارماۋعا شاقىردى, دەپ حابارلايدى ult.kz.
ونىڭ ايتۋىنشا, وقيعاعا قاتىستى العاش تاراعان بەينەجازبا كٶپشٸلٸكتٸڭ ەموتسيياسىنا ەسەر ەتٸپ, قوعامدا ناقتى دەلەلدەرگە ەمەس, ەسەرگە نەگٸزدەلگەن پٸكٸر قالىپتاستىرعان. سوندىقتان ٸستٸڭ تولىق ماتەريالدارىمەن تانىسپاي تۇرىپ, قانداي دا بٸر قورىتىندى جاساۋ دۇرىس ەمەس ەكەنٸن ايتتى.
ايگٷل ورىنبەكتٸڭ سٶزٸنشە, راحات سەرسەنوۆ اپەللياتسييالىق سوت ارقىلى تولىق اقتالعان جوق. ول تەك امنيستييا نەگٸزٸندە جەنە شارتتى تٷردە بوساتىلعان. دەمەك, بۇل ونىڭ بۇعان دەيٸن قىلمىستىق جاۋاپكەرشٸلٸككە تارتىلعانىن جوققا شىعارمايدى.
سونىمەن قاتار زاڭگەر بۇل ٸستەگٸ ەڭ ماڭىزدى مەسەلە – ينسۋلت العان قارت ادامنىڭ ەلٸ كٷنگە دەيٸن اۋىر ەڭبەكپەن اينالىسۋعا مەجبٷر بولۋى ەكەنٸن اتاپ ٶتتٸ. ونىڭ پٸكٸرٸنشە, قوعام بۇل جاعدايدى تەك ەكٸ تاراپتىڭ داۋى رەتٸندە ەمەس, ەگدە جاستاعى ازاماتتاردىڭ ەڭبەك جەنە ەلەۋمەتتٸك قۇقىقتارىن قورعاۋ مەسەلەسٸ رەتٸندە قاراستىرۋى تيٸس.
سٶز سوڭىندا ايگٷل ورىنبەك قوعامدى ەموتسيياعا بەرٸلمەي, زاڭ تالاپتارى مەن ناقتى دەرەكتەرگە عانا سٷيەنۋگە شاقىرىپ, ەلەۋمەتتٸك جەلٸلەردە تاراعان راستالماعان اقپاراتقا سەنۋدٸڭ قاۋٸپتٸ ەكەنٸن ەسكەرتتٸ.
