Tanymal asaba Sabyrjan Túzelbaev toida órt sóndirýshige aitqan tilegine qatysty túsinikteme berdi. Buǵan deiin onyń «órt kóp bolsyn» degen sózi áleýmettik jelide qyzý talqyǵa túsip, asaba synǵa ushyraǵan bolatyn, dep habarlaidy ult.kz.
Sabyrjan Túzelbaevtiń aitýynsha, onyń sózi tolyq nusqada áleýmettik jelige shyqpaǵan. Asaba órt sóndirýshige kerisinshe, jumysynda órttiń az bolǵanyn tilegenin jetkizdi.
«Órt sóndirý salasynda jumys isteseń, jumysyń joq bolsyn. Órt bolmasyn. Jumystan shyǵyp, basqa jumysqa turyńdar degenim. Bul jerde artyq áńgime joq. Kontent bolyp qalady. Sońyn qiyp tastaǵan. Ázil “qaida jumys isteisiń? Pojarkada” dep bastalǵan. “Órtiń kóp bolsyn” degennen keiin “Alla saqtasyn” degen jerin qiyp tastaǵan», – dedi ol.
Asaba jaz mezgilinde órt oqiǵalarynyń jiileitinin aityp, órt sóndirýshilerge qaýipsizdik tiledi.
«Órt bolmasyn. Sý tasqynynan, jol apatynan, órtten saqtasyn», – dedi Sabyrjan Túzelbaev.
Onyń túsiniktemesinen keiin de áleýmettik jeli qoldanýshylary oqiǵaǵa qatysty pikir bildirip, «halyq birden jerge túsirdi» degen pikirlerin jazdy.
Aita keteiik, buǵan deiin asabanyń toi ústinde órt sóndirýshige «órt kóp bolsyn» degen tilegi kópshiliktiń narazylyǵyn týdyrǵan edi.
