تانىمال اسابا سابىرجان تٷزەلباەۆ تويدا ٶرت سٶندٸرۋشٸگە ايتقان تٸلەگٸنە قاتىستى تٷسٸنٸكتەمە بەردٸ. بۇعان دەيٸن ونىڭ «ٶرت كٶپ بولسىن» دەگەن سٶزٸ ەلەۋمەتتٸك جەلٸدە قىزۋ تالقىعا تٷسٸپ, اسابا سىنعا ۇشىراعان بولاتىن, دەپ حابارلايدى ult.kz.
سابىرجان تٷزەلباەۆتٸڭ ايتۋىنشا, ونىڭ سٶزٸ تولىق نۇسقادا ەلەۋمەتتٸك جەلٸگە شىقپاعان. اسابا ٶرت سٶندٸرۋشٸگە كەرٸسٸنشە, جۇمىسىندا ٶرتتٸڭ از بولعانىن تٸلەگەنٸن جەتكٸزدٸ.
«ٶرت سٶندٸرۋ سالاسىندا جۇمىس ٸستەسەڭ, جۇمىسىڭ جوق بولسىن. ٶرت بولماسىن. جۇمىستان شىعىپ, باسقا جۇمىسقا تۇرىڭدار دەگەنٸم. بۇل جەردە ارتىق ەڭگٸمە جوق. كونتەنت بولىپ قالادى. سوڭىن قيىپ تاستاعان. ەزٸل “قايدا جۇمىس ٸستەيسٸڭ? پوجاركادا” دەپ باستالعان. “ٶرتٸڭ كٶپ بولسىن” دەگەننەن كەيٸن “اللا ساقتاسىن” دەگەن جەرٸن قيىپ تاستاعان», – دەدٸ ول.
اسابا جاز مەزگٸلٸندە ٶرت وقيعالارىنىڭ جيٸلەيتٸنٸن ايتىپ, ٶرت سٶندٸرۋشٸلەرگە قاۋٸپسٸزدٸك تٸلەدٸ.
«ٶرت بولماسىن. سۋ تاسقىنىنان, جول اپاتىنان, ٶرتتەن ساقتاسىن», – دەدٸ سابىرجان تٷزەلباەۆ.
ونىڭ تٷسٸنٸكتەمەسٸنەن كەيٸن دە ەلەۋمەتتٸك جەلٸ قولدانۋشىلارى وقيعاعا قاتىستى پٸكٸر بٸلدٸرٸپ, «حالىق بٸردەن جەرگە تٷسٸردٸ» دەگەن پٸكٸرلەرٸن جازدى.
ايتا كەتەيٸك, بۇعان دەيٸن اسابانىڭ توي ٷستٸندە ٶرت سٶندٸرۋشٸگە «ٶرت كٶپ بولسىن» دەگەن تٸلەگٸ كٶپشٸلٸكتٸڭ نارازىلىعىن تۋدىرعان ەدٸ.
