9 jeltoqsanda "Vernyi kapital" kompaniialar toby BTA bank Bolat Ótemuratovtyń ústinen túsirgen shaǵymyn qaityp alýǵa kelisti dep habarlady. "Osy kelisim boiynsha aǵylshyn sotynyń Ótemuratov aktivterin buǵattaý týraly buiryǵynyń kúshi joiyldy" dedi kompaniia ókilderi. Kompaniia habarlamasy Informburo saitynda jariialandy.
Ótken aptada Ulybritaniia soty BTA bank shaǵymy negizinde Ótemuratovtyń aktivterin buǵattaǵan. Aqparat boiynsha, "BTA" biznesmendi basqalarmen birge "bankten urlanǵan aqshany jasyrýǵa kómektesti" dep aiyptaǵan.
9 jeltoqsanda jariialanǵan "Vernyi kapital" málimdemesinde Bolat Ótemuratov pen BTA bank ókilderi arasynda qupiia kelisim jasalǵany, banktiń sotqa túsirgen shaǵymyn qaitarýǵa keliskeni jazylǵan. Onda jaýapker jaqtyń Ótemuratov pen onymen bailanysty adamdardyń "bank aqshasyn urlaý isine qatysy joqtyǵyn dáleldeitin" qujattardy kórsetýge ýáde bergeni jáne kelisim jasalǵanǵa deiin keibir qujattardyń berilgeni jazylǵan.
Osyǵan deiin "Vernyi kapital" málimdeme taratyp, buǵattaý týraly sot sheshimi "jalǵan qujattar negizinde shyǵaryldy, sot sheshimin apelliatsiiaǵa berdik" dep habarlaǵan.
"Ótemuratov aktivteriniń buǵattan bosatylǵany" jaily aqparatty "Vernyi kapitaldan" basqa ázirge eshkim taratqan joq. BTA banktiń resmi saitynda kelisim jaily habarlama joq.
"Forbes – Qazaqstan" jýrnalynyń málimeti boiynsha, Bolat Ótemuratov Qazaqstandaǵy eń bai adamdardyń qatarynda tórtinshi orynda tur. Jýrnaldyń jazýynsha, ol aktivteriniń kólemi boiynsha Qazaqstandaǵy eń iri úshtikke kiretin ForteBank-ti baqylaidy (mamyr aiyndaǵy derek). 2019 jyldyń sońyndaǵy málimet boiynsha, bank aktivteriniń aýqymy 2,07 milliard teńde bolǵan. Sonymen qatar onyń taý-ken, munai-gaz jáne telekommýnikatsiia salalarynda aktivteri bar.
