9 جەلتوقساندا "ۆەرنىي كاپيتال" كومپانييالار توبى بتا بانك بولات ٶتەمۇراتوۆتىڭ ٷستٸنەن تٷسٸرگەن شاعىمىن قايتىپ الۋعا كەلٸستٸ دەپ حابارلادى. "وسى كەلٸسٸم بويىنشا اعىلشىن سوتىنىڭ ٶتەمۇراتوۆ اكتيۆتەرٸن بۇعاتتاۋ تۋرالى بۇيرىعىنىڭ كٷشٸ جويىلدى" دەدٸ كومپانييا ٶكٸلدەرٸ. كومپانييا حابارلاماسى Informburo سايتىندا جارييالاندى.
ٶتكەن اپتادا ۇلىبريتانييا سوتى بتا بانك شاعىمى نەگٸزٸندە ٶتەمۇراتوۆتىڭ اكتيۆتەرٸن بۇعاتتاعان. اقپارات بويىنشا, "بتا" بيزنەسمەندٸ باسقالارمەن بٸرگە "بانكتەن ۇرلانعان اقشانى جاسىرۋعا كٶمەكتەستٸ" دەپ ايىپتاعان.
9 جەلتوقساندا جارييالانعان "ۆەرنىي كاپيتال" مەلٸمدەمەسٸندە بولات ٶتەمۇراتوۆ پەن بتا بانك ٶكٸلدەرٸ اراسىندا قۇپييا كەلٸسٸم جاسالعانى, بانكتٸڭ سوتقا تٷسٸرگەن شاعىمىن قايتارۋعا كەلٸسكەنٸ جازىلعان. وندا جاۋاپكەر جاقتىڭ ٶتەمۇراتوۆ پەن ونىمەن بايلانىستى ادامداردىڭ "بانك اقشاسىن ۇرلاۋ ٸسٸنە قاتىسى جوقتىعىن دەلەلدەيتٸن" قۇجاتتاردى كٶرسەتۋگە ۋەدە بەرگەنٸ جەنە كەلٸسٸم جاسالعانعا دەيٸن كەيبٸر قۇجاتتاردىڭ بەرٸلگەنٸ جازىلعان.
وسىعان دەيٸن "ۆەرنىي كاپيتال" مەلٸمدەمە تاراتىپ, بۇعاتتاۋ تۋرالى سوت شەشٸمٸ "جالعان قۇجاتتار نەگٸزٸندە شىعارىلدى, سوت شەشٸمٸن اپەللياتسيياعا بەردٸك" دەپ حابارلاعان.
"ٶتەمۇراتوۆ اكتيۆتەرٸنٸڭ بۇعاتتان بوساتىلعانى" جايلى اقپاراتتى "ۆەرنىي كاپيتالدان" باسقا ەزٸرگە ەشكٸم تاراتقان جوق. بتا بانكتٸڭ رەسمي سايتىندا كەلٸسٸم جايلى حابارلاما جوق.
"Forbes – قازاقستان" جۋرنالىنىڭ مەلٸمەتٸ بويىنشا, بولات ٶتەمۇراتوۆ قازاقستانداعى ەڭ باي ادامداردىڭ قاتارىندا تٶرتٸنشٸ ورىندا تۇر. جۋرنالدىڭ جازۋىنشا, ول اكتيۆتەرٸنٸڭ كٶلەمٸ بويىنشا قازاقستانداعى ەڭ ٸرٸ ٷشتٸككە كٸرەتٸن ForteBank-تٸ باقىلايدى (مامىر ايىنداعى دەرەك). 2019 جىلدىڭ سوڭىنداعى مەلٸمەت بويىنشا, بانك اكتيۆتەرٸنٸڭ اۋقىمى 2,07 ميلليارد تەڭدە بولعان. سونىمەن قاتار ونىڭ تاۋ-كەن, مۇناي-گاز جەنە تەلەكوممۋنيكاتسييا سالالارىندا اكتيۆتەرٸ بار.
