بەلگٸلٸ تەلەجۋرناليست دانا نۇرجٸگٸت جانار بايسەمٸزدٸڭ پودكاستىندا جەكە ٶمٸرٸنە قاتىستى بۇرىن كٶپشٸلٸككە ايتا بەرمەگەن جايتتارمەن بٶلٸستٸ. ول مارقۇم جۋرناليست ۆلاديمير رەريحپەن قالاي تانىسىپ, وتباسىن قۇرعانىن, كٶپ جىل كٷتكەن سەبيٸنٸڭ دەنساۋلىعىنا بايلانىستى قيىندىقتاردى جەنە العاشقى نەكەسٸنٸڭ نەلٸكتەن اجىراسۋمەن اياقتالعانىن باياندادى, دەپ حابارلايدى ult.kz.
دانا نۇرجٸگٸتتٸڭ سٶزٸنشە, ۆلاديمير رەريح وعان العاش سەزٸمٸن بٸلدٸرگەن كەزدە زاڭدى نەكەدە بولعان. جۋرناليست مۇنداي قارىم-قاتىناستى قابىلداي المايتىنىن ايتىپ, بولاشاق جارىنا ناقتى تالاپ قويعان.
"2001-دە بٸز بٸرگە تۇرا باستادىق. وڭاي بولعان جوق. ول ٶتە ەدەبي ادام ەدٸ عوي. ەدەبيەتكە عاشىق, سٶزگە عاشىق فيلولوگ. جوق, مەن كٶلەڭكەدە ٶمٸر سٷرەتٸن كٶڭٸلدەس بولا المايمىن. سەن ٶزٸڭ بٸر جاعىنا شىق, مەن بۇعان كەلٸسپەيمٸن دەدٸم", – دەپ ەسكە الدى ول.
وسىلايشا دانا ٶزگە ادامنىڭ وتباسىلىق ٶمٸرٸنە ارالاسقىسى كەلمەيتٸنٸن بٸردەن بٸلدٸرگەن. كەيٸن ۆلاديمير بۇرىنعى نەكەسٸن توقتاتىپ, ەكەۋٸ شاڭىراق كٶتەرگەن. الايدا ولاردىڭ قوسىلۋى سول كەزدەگٸ ەرٸپتەستەرٸ مەن اينالاسىنداعى ادامدار اراسىندا تٷرلٸ ەڭگٸمەگە سەبەپ بولعان. تٸپتٸ دانانى ٶزگەنٸڭ وتباسىن بۇزدى دەپ ايىپتاعاندار دا كەزدەسكەن.
پودكاست جٷرگٸزۋشٸسٸ جانار بايسەمٸز جۋرناليستەن ۆلاديمير سٶز سالعانعا دەيٸن وعان كٶڭٸلٸ بولعان-بولماعانىن سۇرادى. دانا رەريحتٸڭ سول كەزدە رەداكتسيياداعى ەڭ سىيلى ەرٸ كٶپشٸلٸكتٸڭ ىقىلاسىنا بٶلەنگەن ازاماتتاردىڭ بٸرٸ بولعانىن ايتتى.
"بٷكٸل رەداكتسييا ول كٸسٸگە عاشىق بولدى. قازاق رەداكتسيياسىنىڭ قىزىنا سٶز سالىپ, عاشىق بولعانى, مەنٸڭ ويىمشا, بارلىعى ٷشٸن سەنساتسييا بولدى", – دەدٸ ول.
تەلەجۋرناليست بۇرىنعى جۇبايىنىڭ بٸلٸمدٸلٸگٸنە, ەدەبيەتكە دەگەن سٷيٸسپەنشٸلٸگٸنە جەنە ادامگەرشٸلٸك قاسيەتتەرٸنە ەرەكشە توقتالدى. ونىڭ ايتۋىنشا, ۆلاديمير ٶزٸن ەڭ الدىمەن جەكە تۇلعا رەتٸندە باعالاپ, ەردايىم قۇرمەت كٶرسەتكەن. دانا ولاردىڭ اراسىنداعى ۇلت ايىرماشىلىعى ەشقاشان باستى مەسەلە بولماعانىن, كەرٸسٸنشە, ٶزارا سىيلاستىق پەن رۋحاني جاقىندىق ەكەۋٸن تابىستىرعانىن جەتكٸزدٸ. بۇرىنعى جارى تۋرالى ەستەلٸكتەرٸن ايتقان سەتتە جۋرناليست تولقىپ, كٶزٸنە جاس الدى.
"بٷكٸل جانىم, تەنٸم بالاما كەتتٸ"
سۇحبات بارىسىندا دانا نۇرجٸگٸت انا اتانۋ جولىندا باستان ٶتكەرگەن اۋىر كەزەڭٸن دە ەسكە الدى. ونىڭ ايتۋىنشا, ەرلٸ-زايىپتىلار پەرزەنت سٷيۋدٸ ون جىل كٷتكەن. الايدا كٶپتەن كٷتكەن جٷكتٸلٸك قۋانىشىمەن بٸرگە ٷلكەن الاڭداۋشىلىق تا كەلگەن. جٷكتٸلٸكتٸڭ بەسٸنشٸ ايىندا دەرٸگەرلەر قۇرساقتاعى بالانىڭ بٸر ٶكپەسٸنە سۇيىقتىق جينالعانىن انىقتاعان.
ماماندار سەبيدٸڭ دەنساۋلىعىنا قاتىستى ٶزگە دە قاۋٸپتەر بولۋى مٷمكٸن ەكەنٸن ەسكەرتكەن. سوندىقتان دانا بالاسى دٷنيەگە كەلگەننەن كەيٸن بار ۋاقىتىن ونىڭ دەنساۋلىعىن جاقسارتۋعا ارناعان.
"مەن ەلٸمدٸ ون جىل كٷتتٸم. بٷكٸل جانىم, تەنٸم ەلجۋاز بولىپ تۋعان بالاعا كەتتٸ. كٷيەۋدٸ نازارسىز قالدىردىم. ۆولوديا نازارسىز بولىپ كەتتٸ. ٶيتكەنٸ ماعان بالانى قۇتقارۋ كەرەك بولدى", – دەدٸ جۋرناليست.
دانانىڭ ايتۋىنشا, دەل وسى ۋاقىتتا ۆلاديمير رەريحتٸڭ دە ٶمٸرٸندە كٷردەلٸ كەزەڭ باستالعان. ول ۇزاق جىل ەڭبەك ەتكەن "حابار" تەلەارناسىنداعى قىزمەتٸنەن كەتكەننەن كەيٸن اۋىر پسيحولوگييالىق كٷيزەلٸسكە تٷسكەن.
جۋرناليست بۇرىنعى جۇبايىنىڭ شىعارماشىلىق قابٸلەتٸن جوعارى باعالايتىنىن ايتىپ, ونىڭ ستسەناريست, اكتەر جەنە رەجيسسەر رەتٸندە دە ٷلكەن جەتٸستٸكتەرگە جەتە الاتىن مٷمكٸندٸگٸ بولعانىن جەتكٸزدٸ. الايدا كەسٸبي ٶمٸرٸندەگٸ ٶزگەرٸستەر ۆلاديميرگە اۋىر سوققى بولىپ تيگەن. دانا ونىڭ جۇمىسىنان كەتۋٸنە بايلانىستى جاعدايدى ٶمٸرٸنٸڭ سوڭىنا دەيٸن ۇمىتا الماعانىن ايتتى. سونداي-اق ول بۇرىنعى جۇبايىنىڭ سەنٸمٸنە كٸرگەن ادامنىڭ ەرەكەتٸن ساتقىندىق رەتٸندە قابىلداعانىن جەتكٸزدٸ. دەگەنمەن سۇحباتتىڭ اتالعان بٶلٸگٸندە ناقتى كٸم تۋرالى ايتىپ وتىرعانىن اشىپ كٶرسەتپەدٸ.
"باسقا ادام ونىڭ جان دٷنيەسٸن تٷسٸنٸپ كەتتٸ"
دانا نۇرجٸگٸت وتباسىلىق ٶمٸرٸنٸڭ اياقتالۋىنا تەك بۇرىنعى كٷيەۋٸن كٸنەلامايتىنىن ايتتى. ونىڭ پٸكٸرٸنشە, سول كەزەڭدە ەرلٸ-زايىپتىلاردىڭ ەكەۋٸ دە بٸر-بٸرٸنە جەتكٸلٸكتٸ كٶڭٸل بٶلە الماعان. بٸر جاعىنان, جۋرناليست بالاسىنىڭ دەنساۋلىعى ٷشٸن كٷرەسسە, ەكٸنشٸ جاعىنان, ۆلاديمير كەسٸبي داعدارىستى باستان ٶتكەرگەن. وسىنداي جاعدايدا ولاردىڭ اراسىنداعى ەموتسيونالدىق بايلانىس ەلسٸرەي باستاعان.
"ال ەندٸ ەكەۋمٸزدٸڭ ەكٸ جاققا كەتكەنٸمٸزگە ەكەۋمٸزدٸڭ دە كٸنەمٸز بار سيياقتى", – دەدٸ ول.
تەلەجۋرناليست ٶزٸنٸڭ بار نازارى بالاسىنا اۋعان كەزدە كٷيەۋٸنٸڭ ٸشكٸ كٷيزەلٸسٸن باسقا ادامنىڭ تٷسٸنٸپ, وعان قولداۋ كٶرسەتكەنٸن جاسىرمادى.
"مەن ەلەك بولىپ كەتتٸم دەگەن كەزدە, سول كٶڭٸل كٷيدٸ, سول الاي-دٷلەي جان دٷنيەسٸندەگٸ نەرسەنٸ باسقا ادام تٷسٸنٸپ كەتتٸ, باسقا ادام كٶڭٸل بٶلدٸ", – دەپ بٶلٸستٸ دانا.
وسىلايشا ولاردىڭ قارىم-قاتىناسى بٸرتٸندەپ ٶزگەرٸپ, اقىرىندا ەكٸ جاققا كەتۋگە تۋرا كەلگەن.
دانا سول كەزدە وتباسىن ساقتاپ قالۋعا ٷمٸتتەنٸپ, جاعدايدىڭ وڭالۋىن بٸر جىل بويى كٷتكەنٸن جەتكٸزدٸ. ول اجىراسۋعا الىپ كەلگەن وقيعالاردى وي ەلەگٸنەن ٶتكٸزٸپ, ٶز ەرەكەتتەرٸنە دە سىن كٶزبەن قاراعان. كەيٸن ۆلاديمير رەريح ٷشٸنشٸ رەت وتباسىن قۇرعان. ال دانا نۇرجٸگٸت ٶتكەن ٶمٸرٸنە كٶز جٷگٸرتە وتىرىپ, ولاردىڭ اجىراسۋىنا بٸر عانا ادامنىڭ ەرەكەتٸ ەمەس, بٸرنەشە كٷردەلٸ جاعدايدىڭ قاتار كەلۋٸ ەسەر ەتكەنٸن تٷسٸندٸردٸ.
جۋرناليستٸڭ ەڭگٸمەسٸنەن بەلگٸلٸ بولعانداي, ۇزاق جىل كٷتكەن پەرزەنتٸنٸڭ دەنساۋلىعى ٷشٸن كٷرەس پەن جۇبايىنىڭ كەسٸبي كٷيزەلٸسٸ ولاردىڭ وتباسىلىق ٶمٸرٸندەگٸ ەڭ اۋىر سىناقتاردىڭ بٸرٸنە اينالعان.
دانا نۇرجٸگٸت كٸم?
دانا نۇرجٸگٸت – قازاقستاندىق بەلگٸلٸ تەلەجۋرناليست, تەلەجٷرگٸزۋشٸ, مەدياترەنەر جەنە قوعام قايراتكەرٸ. ول 1972 جىلى قىزىلوردا وبلىسىنىڭ قازالى اۋدانىنداعى لاقالى اۋىلىندا دٷنيەگە كەلگەن. بولاشاق تەلەجٷرگٸزۋشٸ العاشقى بٸلٸمٸن قىزىلوردا قالاسىنداعى №198 مەكتەپتە العان. كەيٸن وتباسى الماتى وبلىسىنىڭ ەسٸك قالاسىنا كٶشٸپ, دانا احمەت جۇبانوۆ اتىنداعى رەسپۋبليكالىق مۋزىكا مەكتەبٸندە بٸلٸمٸن جالعاستىرعان. ول قۇرمانعازى اتىنداعى قازاق ۇلتتىق كونسەرۆاتوريياسىن فورتەپيانو ماماندىعى بويىنشا تەمامداعان. ەڭبەك جولىن 1994 جىلى اباي اتىنداعى الماتى مەملەكەتتٸك ۋنيۆەرسيتەتٸندە كونتسەرتمەيستەر بولىپ باستاعان. 1996 جىلى كٷلەش بايسەيٸتوۆا اتىنداعى رەسپۋبليكالىق مۋزىكالىق كوللەدجدە قىزمەت اتقارعان. 1997 جىلى تەلەۆيزييا سالاسىنا كەلٸپ, جۋرناليستٸك مانسابىن باستاعان. العاش رەت 1997 جىلدىڭ 18 اقپانىندا تٸكەلەي ەفيرگە شىققان. كەيٸن "حابار" اگەنتتٸگٸندە جاڭالىقتار جٷرگٸزۋشٸسٸ, رەداكتور, پروديۋسەر جەنە كٶركەمدٸك جەتەكشٸ قىزمەتتەرٸن اتقارعان.
سونىمەن قاتار "سەلەم, قازاقستان!" باعدارلاماسىندا جۇمىس ٸستەپ, CaspioNet جوباسىنىڭ پروديۋسەرٸ بولعان. قازاقستان ۇلتتىق تەلەارناسىنداعى "دارا جول" باعدارلاماسى ارقىلى دا كٶرەرمەنگە كەڭٸنەن تانىلدى. 2019 جىلدىڭ تامىزىندا قازاقستان رەسپۋبليكاسى پارلامەنتٸ سەناتىنىڭ دەپۋتاتى بولىپ تاعايىندالعان. ول 2023 جىلعا دەيٸن سەناتور قىزمەتٸن اتقارىپ, بٸلٸم بەرۋ, بالالاردىڭ قۇقىقتارىن قورعاۋ جەنە ەلەۋمەتتٸك مەسەلەلەرگە قاتىستى جۇمىستارعا قاتىسقان. دانا نۇرجٸگٸت بٷگٸندە جۋرناليستيكا سالاسىنداعى تەجٸريبەسٸمەن بٶلٸسٸپ, قوعامدىق مەسەلەلەر جٶنٸندە پٸكٸر بٸلدٸرٸپ جٷرگەن تانىمال تۇلعالاردىڭ بٸرٸ.
