20 qazanda Qazaqstannyń birqatar óńirinde jańbyr men qar jaýyp, kóktaiǵaq bolady. «Qazgidromet» boljamynsha, atmosferalyq fronttardyń áserinen eldiń soltústik-batysynda, soltústigi men shyǵysynda aýa raiy qubylmaly bolyp, jaiaý burqasyn soǵady, dep habarlaidy ult.kz.
Respýblikanyń qalǵan aýmaǵynda antitsiklonnyń yqpalymen jaýyn-shashynsyz aýa raiy saqtalady. Degenmen el aýmaǵynda jel kúsheiip, kei jerlerde tuman túsedi. Ońtústik óńirlerde shańdy daýyl kútiledi.
Túnde Jetisý oblysynda, sondai-aq Jambyl oblysynyń batysy men shyǵysynda 2–7 gradýs úsik júredi. Qyzylorda oblysynyń shyǵysynda topyraq betinde 2 gradýsqa deiin úsik bolýy múmkin.
Sinoptikterdiń 20–22 qazanǵa arnalǵan boljamyna sáikes, 20 qazanda kúndiz Pavlodar oblysynda qatty jaýyn-shashyn - jańbyr men qar kútiledi. Soltústik jáne shyǵys óńirlerde kóktaiǵaq boljanǵandyqtan, jolǵa shyǵatyn júrgizýshilerdiń aýa raiyn eskergeni jón.
