Myńdaǵan avtor óz filmderin tanystyrý úshin Qazaqstandaǵy baiqaýdy tańdady. Alǵashqy Astana AI Film Festival 125 elden 8 067 ótinim qabyldap, ótinim sany boiynsha álemdegi eń iri halyqaralyq AI-kino baiqaýyna ainaldy. 3 qazanda elordada jeńimpazdar jariialandy, dep habarlaidy ult.kz.
Úsh kún boiy Astana rejisserlerdi, tehnologiialyq kompaniialar ókilderin jáne investorlardy «avtordyń qolynda jasandy intellekt paida bolǵanda kino qalai ózgeredi?» degen saýal tóńireginde toǵystyrdy.
Halyqaralyq qazylar alqasynyń quramyna IýNESKO-nyń burynǵy bas direktory Odri Azýle, Qytai kinoindýstriiasynyń ókilderi jáne kásipker Baladji Srinivasan kirdi. Al 25 finalistiń jumysy MEGA Silk Way-dyń úlken ekranynda kórsetildi.
Halyqaralyq aýqym otandyq biznestiń qoldaýymen nyǵaia tústi. Freedom Holding Corp. janyndaǵy «Freedom Shapaǵat» korporativtik qory júlde qoryna 1 mln dollar bóldi. Taǵy 1 mln dollar perspektivaly AI-komandalarǵa investitsiia salýǵa jáne Qazaqstandaǵy óndiristi damytýǵa qarastyrylǵan.
Jeńimpazdar qatarynda «It Was Just a Joke» komediiasyndaǵy úzdik keiipker úshin marapat alǵan qazaqstandyq Myrzahan Jumahan bar. Bas júlde men 450 myń dollar «The First Honest Day» týyndysynyń avtory, latviialyq Nikolay Shestak-qa buiyrdy.
Astana úshin bul — ideiasy bar adamdar kelip, ony júzege asyratyn seriktester tabatyn ortalyqqa ainalý múmkindigi. Uiymdastyrýshylardyń maqsaty da osy: festival tóńireginde halyqaralyq qaýymdastyq qalyptastyryp, Qazaqstanda AI-kino óndirisine jańa múmkindikter ashý.
