Koronavirýsqa qarsy otandyq vaktsinany saldyrǵan Jambyl oblysynyń ákimi Berdibek Saparbaevtyń jaǵdaiy qalai? Ortalyq kommýnikatsiialar qyzmetiniń alańynda tilshilerdiń bul suraǵyna Densaýlyq saqtaý birinshi vitse-ministri Marat Shoranov jaýap berdi, dep habarlaidy QazAqparat.
«Ótken aptada biz Jambyl oblysynda boldyq. Aimaq basshysy ózin jaqsy sezinedi. Kúsh-qýaty men qairaty toly ekenin, óz mindetterin oryndap jatqanyn kórdik», - dedi Marat Shoranov.
Ol sondai-aq ákim óziniń jasyna qaramastan nelikten erikti bolyp, vaktsinany saldyrǵanyn túsindirdi.
«Bizdiń nege ruqsat bergenimizge bailanysty aitar bolsaq, sizder klinikalyq synaqtyń demeýshisi - osy vaktsinany jasaýshynyń ózi ekenin túsinýińiz kerek. Densaýlyq saqtaý ministrligi bul kezeńde, iaǵni eriktilerdi tańdaý kezinde qarsy kórsetilimderdi anyqtamaidy: adamdar erikti vaktsinalaýǵa jáne zertteýge qatysa alady», - dep atap ótti spiker.
