كوروناۆيرۋسقا قارسى وتاندىق ۆاكتسينانى سالدىرعان جامبىل وبلىسىنىڭ ەكٸمٸ بەردٸبەك ساپارباەۆتىڭ جاعدايى قالاي? ورتالىق كوممۋنيكاتسييالار قىزمەتٸنٸڭ الاڭىندا تٸلشٸلەردٸڭ بۇل سۇراعىنا دەنساۋلىق ساقتاۋ بٸرٸنشٸ ۆيتسە-مينيسترٸ مارات شورانوۆ جاۋاپ بەردٸ, دەپ حابارلايدى قازاقپارات.
«ٶتكەن اپتادا بٸز جامبىل وبلىسىندا بولدىق. ايماق باسشىسى ٶزٸن جاقسى سەزٸنەدٸ. كٷش-قۋاتى مەن قايراتى تولى ەكەنٸن, ٶز مٸندەتتەرٸن ورىنداپ جاتقانىن كٶردٸك», - دەدٸ مارات شورانوۆ.
ول سونداي-اق ەكٸم ٶزٸنٸڭ جاسىنا قاراماستان نەلٸكتەن ەرٸكتٸ بولىپ, ۆاكتسينانى سالدىرعانىن تٷسٸندٸردٸ.
«بٸزدٸڭ نەگە رۇقسات بەرگەنٸمٸزگە بايلانىستى ايتار بولساق, سٸزدەر كلينيكالىق سىناقتىڭ دەمەۋشٸسٸ - وسى ۆاكتسينانى جاساۋشىنىڭ ٶزٸ ەكەنٸن تٷسٸنۋٸڭٸز كەرەك. دەنساۋلىق ساقتاۋ مينيسترلٸگٸ بۇل كەزەڭدە, ياعني ەرٸكتٸلەردٸ تاڭداۋ كەزٸندە قارسى كٶرسەتٸلٸمدەردٸ انىقتامايدى: ادامدار ەرٸكتٸ ۆاكتسينالاۋعا جەنە زەرتتەۋگە قاتىسا الادى», - دەپ اتاپ ٶتتٸ سپيكەر.
