تانىمال ٶنەر يەلەرٸ قۋانىش قۇرمانباەۆ پەن قارلىعاش سۇلتانشا "تاڭشولپان" باعدارلاماسىنا بەرگەن سۇحباتىندا وتباسىلىق ٶمٸرٸ مەن شىعارماشىلىق جولدارى تۋرالى سىر شەرتتٸ. كومپوزيتور ٶزٸن ەنشٸلٸككە باۋلىپ, كەيٸن ۇستازدىق جولعا تٷسۋٸنە دە سەبەپشٸ بولعان جۇبايى ەكەنٸن ايتتى, دەپ حابارلايدى ult.kz.
20 جىلدان استام ۋاقىت تاتۋ-تەتتٸ عۇمىر كەشٸپ كەلە جاتقان ٶنەرلٸ جۇپ بٷگٸندە ٷش قىز بەن ٷش ۇل تەربيەلەپ وتىر. باعدارلاما بارىسىندا ەرلٸ-زايىپتىلار العاش قالاي تانىسقاندارىن جەنە ٶنەر جولىنداعى جەتٸستٸكتەرٸنە قالاي جەتكەندەرٸن ەڭگٸمەلەدٸ.
قارلىعاش سۇلتانشانىڭ ايتۋىنشا, ەكەۋٸنٸڭ تانىستىعى ەن جازدىرۋدان باستالعان. سول كەزدە ول قۋانىشقا كومپوزيتور رەتٸندە جولىعىپ, "اعاي" دەپ قۇرمەت كٶرسەتكەن ەكەن.
"قۋانىشقا "اعاي" دەپ ەن جازۋعا بارىپ, تانىسقانبىز. سول كەزدەگٸ اعاي ەلٸ كٷنگە دەيٸن ٶنەردە "اعايىم" بولىپ كەلە جاتىر", – دەدٸ قارلىعاش سۇلتانشا.
ال قۋانىش قۇرمانباەۆ ٶنەر جولىندا 26 جىلدان بەرٸ ەڭبەك ەتٸپ كەلە جاتقانىن ايتتى. ونىڭ سٶزٸنشە, باستاپقىدا ول ەن ايتۋدان گٶرٸ, ەن ٶڭدەۋمەن اينالىسقان. كەيٸن جۇبايى ونىڭ بويىنداعى قابٸلەتتٸ بايقاپ, ساحناعا شىعۋىنا تٷرتكٸ بولعان.
"مەن نەگٸزٸ باسىندا تەك ەندەردٸ ٶڭدەۋمەن اينالىساتىنمىن. كەيٸن قارلىعاش مەنٸ ەنشٸ قىلعان. ٶزٸڭ ساحناعا شىق دەپ يدەيا بەردٸ. مەن وقىماعانمىن, نوتا تانىمايمىن. بٸراق قۇدايدىڭ بەرگەن دارىنى بار. سول قابٸلەتٸمدٸ دامىتا بەردٸم", – دەدٸ ٶنەر يەسٸ.
كومپوزيتوردىڭ ايتۋىنشا, قارلىعاش سۇلتانشا ونىڭ تەك ەنشٸلٸك قىرىن اشىپ قويماي, كەيٸنگٸ جىلدارى ۇستازدىقپەن اينالىسۋىنا دا ىقپال ەتكەن.
ەرلٸ-زايىپتىلار 2023 جىلى امەريكاعا بارىپ, بٸلٸمدەرٸن جەتٸلدٸرگەن. سول ساپار بارىسىندا شاعىن دۋەت كەشٸن ٶتكٸزٸپ, شىعارماشىلىققا قاتىستى جاڭا جوسپارلار قۇرعان.
"ٶنەردە ەڭبەك ەتٸپ كەلە جاتقانىما 26 جىل بولدى. قۋانىش قۇرمانباەۆ دەگەن كومپوزيتور, ارانجيروۆششيك جٸگٸتتٸ ەنشٸ قىلعان قارلىعاش نەگٸزٸ. بٸز 2023 جىلى امەريكاعا بارىپ, بٸلٸمٸمٸزدٸ ارتتىرىپ, سول جەردە دۋەتتٸڭ كٸشٸگٸرٸم كەشٸن بەردٸك. سول كەزدە قارلىعاش يدەيا تاستادى. ٶنەردە ٶزٸن, ستيلٸن تاپپاي جٷرگەن جاس ەنشٸلەرگە جولىن كٶرسەتەتٸن ۋاقىتىڭ كەلدٸ. وسى بويىنشا قىزمەت جاسايىق دەپ, مەنٸ ۇستازدىققا سٷيرەپ الىپ كەلدٸ", – دەپ كٷلدٸ ەنشٸ.
جۇبايىنىڭ بۇل ۇسىنىسىن قولداعان قۋانىش قۇرمانباەۆ بٷگٸندە جاس ٶنەرپازدارعا باعىت-باعدار بەرٸپ, شەكٸرت تەربيەلەپ جٷر. ونىڭ ايتۋىنشا, وسى ۋاقىتقا دەيٸن 30-دان استام جاس ەنشٸگە تەلٸم بەرگەن. ال قارلىعاش سۇلتانشا جولداسىنىڭ ۇستازدىق قابٸلەتٸن كٶپشٸلٸككە تانىتۋعا دا ٶزٸ باستاماشى بولعانىن جاسىرمادى.
"سەن ايتپاساڭ, سەنٸڭ بۇل جولدا ەكەنٸڭدٸ ەشكٸم بٸلمەيدٸ دەپ Instagram-عا بٸردەن تٷسٸرٸپ سالدىق", – دەدٸ ول.
وسىلايشا, قۋانىش قۇرمانباەۆ ەنشٸلٸككە دە, ۇستازدىققا دا كەلۋٸنە جۇبايى قارلىعاش سۇلتانشانىڭ ٷلكەن ىقپال ەتكەنٸن جەتكٸزدٸ. ٶنەرلٸ جۇپ بٷگٸندە وتباسىلىق ٶمٸر مەن شىعارماشىلىقتى قاتار الىپ جٷرٸپ, جاس تالانتتاردىڭ ٶنەرگە قادام باسۋىنا كٶمەكتەسٸپ كەلەدٸ.
"قۋانىش پەن قارلىعاش" دۋەتٸ
"قۋانىش پەن قارلىعاش" – قازاق ەستراداسىنداعى تانىمال وتباسىلىق دۋەت. ٶنەرلٸ جۇپتىڭ قۇرامىندا كومپوزيتور, ەن ٶڭدەۋشٸ قۋانىش قۇرمانباەۆ پەن ەنشٸ قارلىعاش سۇلتانشا بار. ولار "سىڭارىم", "سەن باردا", "اناما" سەكٸلدٸ ەندەرٸمەن كٶپشٸلٸككە تانىلعان.
قۋانىش قۇرمانباەۆ ەن جازۋمەن جەنە ٶڭدەۋمەن اينالىسىپ قانا قويماي, جاس ٶنەرپازداردى تەربيەلەۋگە دە ٷلەس قوسىپ كەلەدٸ. ونىڭ جەتەكشٸلٸگٸمەن اشىلعان ٶنەر ستۋديياسىندا بالالار ەن ايتىپ, تٷرلٸ شىعارماشىلىق بايقاۋلارعا قاتىسقان.
ەرلٸ-زايىپتىلار 20 جىلدان استام ۋاقىت بٸرگە ٶمٸر سٷرٸپ, بٷگٸندە التى بالا تەربيەلەپ وتىر. ٶنەر مەن وتباسىلىق ٶمٸردٸ قاتار الىپ جٷرگەن جۇپ تەلەباعدارلامالاردا شىعارماشىلىق جولدارى مەن شاڭىراقتاعى قىزىقتى وقيعالارىن جيٸ بٶلٸسەدٸ.
