قازاقستاندا جەكە جەنە زاڭدى تۇلعالاردىڭ ٸرٸ كٶلەمدە شەتەل ۆاليۋتاسىن ساتىپ الۋ تەرتٸبٸ ٶزگەرەدٸ. ەندٸ بەلگٸلەنگەن شەكتەن اسقان جاعدايدا ۆاليۋتانى ساتىپ الۋعا ٶتٸنٸمدٸ كەمٸندە بٸر جۇمىس كٷنٸ بۇرىن بەرۋ قاجەت, دەپ حابارلايدى ult.kz LS-كە سٸلتەمە جاساپ.
قارجى نارىعىن رەتتەۋ جەنە دامىتۋ اگەنتتٸگٸ تيٸستٸ قاۋلىعا 2026 جىلعى 30 قازاندا قول قويعان.
كٸمدەرگە قانداي تالاپ قويىلادى?
جاڭا تەرتٸپ بويىنشا, بٸر كٷن ٸشٸندە:
- جەكە تۇلعالاردىڭ ۆاليۋتا وپەراتسييالارى 3 ملن دوللاردان اسسا;
- زاڭدى تۇلعالاردىڭ وپەراتسييالارى 10 ملن دوللاردان اسسا, قوسىمشا باقىلاۋعا الىنادى.
مۇنداي شەككە جەتكەننەن كەيٸن شەتەل ۆاليۋتاسىن ساتىپ الۋعا بەرٸلەتٸن كەلەسٸ ٶتٸنٸمدەر وپەراتسييا جاسالاتىن كٷننەن كەمٸندە بٸر جۇمىس كٷنٸ بۇرىن قابىلدانادى.
اقشا قايدان كەلگەنٸ تەكسەرٸلەدٸ
اگەنتتٸك ٸرٸ كٶلەمدەگٸ ۆاليۋتا وپەراتسييالارىن باقىلاۋ كەزٸندە كليەنتتەردٸڭ قاراجاتىنىڭ شىعۋ تەگٸن, تٷپكٸ بەنەفيتسيارلارىن, ٸسكەرلٸك بەدەلٸن جەنە قاجەتتٸ ليتسەنزييالارىنىڭ بار-جوعىن تەكسەرەدٸ.
سونداي-اق بۇعان دەيٸن قىزمەت كٶرسەتۋدەن باس تارتىلعان تۇلعالاردىڭ تٸزٸمٸ قارالادى. تەۋەكەلٸ جوعارى ەلدەرمەن جەنە وفشورلىق ايماقتارمەن بايلانىستى وپەراتسييالارعا ەرەكشە نازار اۋدارىلادى.
شەتەلدٸكتەرگە بروكەرلٸك شوت اشۋ قيىندايدى
جاڭا تالاپتار شەتەل ازاماتتارىنىڭ قازاقستاندا بروكەرلٸك شوت اشۋىنا دا قاتىستى.
ەندٸ باعالى قاعازدار نارىعىنا قاتىسۋشىلار رەزيدەنت ەمەس كليەنتتەردٸ مۇقييات تەكسەرۋگە مٸندەتتەلەدٸ. بۇل رەتتە مٸندەتتٸ بيومەترييالىق سەيكەستەندٸرۋ جەنە قۇجاتتاردى جان-جاقتى تەكسەرۋ قاراستىرىلعان.
اگەنتتٸك بۇل شارالار قىلمىستىق جولمەن الىنعان كٸرٸستەردٸ زاڭداستىرۋعا قارسى كٷرەسكە باعىتتالعانىن مەلٸمدەدٸ.
