Almaty oblysynda úshem shetinep ketti. Týystary dárigerlerdi aiyptady, dep habarlaidy ult.kz.
Jýrnalist Gúlmira Ábiqai da nárestelerdiń ólimine qatysty pikir bildirdi.
“Allanyń qudiretimen jatyryna úshem bitip, úsheýin 6 aiǵa deiin kóterip, aman-saý týyp, dárigerler kesirinen ajyrap qalý sumdyq qoi. 3 ajaldy qatar estip eseńgirep esinen tanǵan ananyń jaiy ne bolmaq? 28 jasar Aidanany jubatýǵa sóz tappai turmyn, amandyq tileiik. @healthcare.gov.kz @akmaralalnazarova ózgeler adamnyń miyn almastyryp, basyn jańartyp jatqanda biz áli ekiqabat áieldi bosandyra almai júrmiz?! @karasaicrb nelikten ózine jaýapkershilik alǵan? Qarasai aýdandyq aýrýhanasynda úshem týmaq túgil bir áieldiń aman bosanýy úlken daý. Keshe ǵana Úkimetke “Elimizde jańa týǵan bala ólimi burynǵymen salystyrǵanda 2 esege azaidy” dep jarty jyldyq esepti berdińizder. Ótirik esep, jalǵan naýqannan sharshaǵan joqpyz ba?”, - dep jazdy jýrnalist.
Al kelinshektiń týystary úshemniń ekeýi týyla salyp kóz jumǵanyn, al dárigerler úshinshisi tiri degenin aitty. Alaida keiinirek úshinshi náresteniń de shetinep ketkenin aitqan. Týystary úshinshi náreste de týyla salyp dereý kóz jumǵanyn, alaida dárigerler jasyrǵanyn aitty.
