الماتى وبلىسىندا ٷشەم شەتٸنەپ كەتتٸ. تۋىستارى دەرٸگەرلەردٸ ايىپتادى, دەپ حابارلايدى ult.kz.
جۋرناليست گٷلميرا ەبٸقاي دا نەرەستەلەردٸڭ ٶلٸمٸنە قاتىستى پٸكٸر بٸلدٸردٸ.
“اللانىڭ قۇدٸرەتٸمەن جاتىرىنا ٷشەم بٸتٸپ, ٷشەۋٸن 6 ايعا دەيٸن كٶتەرٸپ, امان-ساۋ تۋىپ, دەرٸگەرلەر كەسٸرٸنەن اجىراپ قالۋ سۇمدىق قوي. 3 اجالدى قاتار ەستٸپ ەسەڭگٸرەپ ەسٸنەن تانعان انانىڭ جايى نە بولماق? 28 جاسار ايدانانى جۇباتۋعا سٶز تاپپاي تۇرمىن, اماندىق تٸلەيٸك. @healthcare.gov.kz @akmaralalnazarova ٶزگەلەر ادامنىڭ ميىن الماستىرىپ, باسىن جاڭارتىپ جاتقاندا بٸز ەلٸ ەكٸقابات ەيەلدٸ بوساندىرا الماي جٷرمٸز?! @karasaicrb نەلٸكتەن ٶزٸنە جاۋاپكەرشٸلٸك العان? قاراساي اۋداندىق اۋرۋحاناسىندا ٷشەم تۋماق تٷگٸل بٸر ەيەلدٸڭ امان بوسانۋى ٷلكەن داۋ. كەشە عانا ٷكٸمەتكە “ەلٸمٸزدە جاڭا تۋعان بالا ٶلٸمٸ بۇرىنعىمەن سالىستىرعاندا 2 ەسەگە ازايدى” دەپ جارتى جىلدىق ەسەپتٸ بەردٸڭٸزدەر. ٶتٸرٸك ەسەپ, جالعان ناۋقاننان شارشاعان جوقپىز با?”, - دەپ جازدى جۋرناليست.
ال كەلٸنشەكتٸڭ تۋىستارى ٷشەمنٸڭ ەكەۋٸ تۋىلا سالىپ كٶز جۇمعانىن, ال دەرٸگەرلەر ٷشٸنشٸسٸ تٸرٸ دەگەنٸن ايتتى. الايدا كەيٸنٸرەك ٷشٸنشٸ نەرەستەنٸڭ دە شەتٸنەپ كەتكەنٸن ايتقان. تۋىستارى ٷشٸنشٸ نەرەستە دە تۋىلا سالىپ دەرەۋ كٶز جۇمعانىن, الايدا دەرٸگەرلەر جاسىرعانىن ايتتى.
