Úndistannyń Ýttar-Pradesh shtatyndaǵy Fatehpýr aýdanynda ornalasqan Hardaýli aýylynyń turǵyndary uialy bailanys injeneri munaraǵa bailap qoiǵan. Bul týraly jergilikti Hindustan Times aqparat agenttigi habarlady, dep jazady ult.kz.
Aýyl turǵyndary mundai áreketke eki jyl boiy 5G jelisiniń turaqsyz jumys isteýine bailanysty barǵan.
Politsiianyń málimetinshe, tehnik bailanys aqaýyn jóndeý úshin aýylǵa kelgen. Alaida turǵyndar ony qorshap alyp, keiin uialy bailanys munarasynyń tireýine bailap qoiǵan. Olar injenerdi onyń jumys isteitin telekommýnikatsiialyq kompaniiasynyń basshylary kelgennen keiin ǵana bosatatynyn aitqan.
Politsiia oqiǵadan shamamen eki saǵat ótken soń tehnikany bosatyp, alty jergilikti turǵyndy ustaǵan. Keiin olardyń barlyǵy kepilmen bosatyldy.
