ٷندٸستاننىڭ ۋتتار-پرادەش شتاتىنداعى فاتەحپۋر اۋدانىندا ورنالاسقان حارداۋلي اۋىلىنىڭ تۇرعىندارى ۇيالى بايلانىس ينجەنەرٸ مۇناراعا بايلاپ قويعان. بۇل تۋرالى جەرگٸلٸكتٸ Hindustan Times اقپارات اگەنتتٸگٸ حابارلادى, دەپ جازادى ult.kz.
اۋىل تۇرعىندارى مۇنداي ەرەكەتكە ەكٸ جىل بويى 5G جەلٸسٸنٸڭ تۇراقسىز جۇمىس ٸستەۋٸنە بايلانىستى بارعان.
پوليتسييانىڭ مەلٸمەتٸنشە, تەحنيك بايلانىس اقاۋىن جٶندەۋ ٷشٸن اۋىلعا كەلگەن. الايدا تۇرعىندار ونى قورشاپ الىپ, كەيٸن ۇيالى بايلانىس مۇناراسىنىڭ تٸرەۋٸنە بايلاپ قويعان. ولار ينجەنەردٸ ونىڭ جۇمىس ٸستەيتٸن تەلەكوممۋنيكاتسييالىق كومپانيياسىنىڭ باسشىلارى كەلگەننەن كەيٸن عانا بوساتاتىنىن ايتقان.
پوليتسييا وقيعادان شامامەن ەكٸ ساعات ٶتكەن سوڭ تەحنيكانى بوساتىپ, التى جەرگٸلٸكتٸ تۇرعىندى ۇستاعان. كەيٸن ولاردىڭ بارلىعى كەپٸلمەن بوساتىلدى.
