Qazaqstanda ulttyq kino indýstriiasyn damytý baǵytyndaǵy jumystar jalǵasyp jatyr. 2026 jyldyń alǵashqy jartyjyldyǵynda memlekettik qoldaýmen túsirilgen alty film keń prokatqa shyǵyp, jańa kinojobalar men animatsiialyq týyndylardy qoldaý jalǵasty, dep habarlaidy ult.kz.
Mádeniet ministrliginiń málimetinshe, biyl kórermenge «Gipnoz», «Bilet iz raia», «Osennii briz», «Qut», «Ábil» jáne «Prianiki dlia ee ottsa, moego pradeda, ee deda» derekti filmi usynyldy. Ásirese, derekti filmniń kinoteatrlarda keń prokatqa shyǵýy ulttyq kino salasy úshin mańyzdy qadam retinde baǵalanyp otyr.
Sonymen qatar Ulttyq kinony qoldaý memlekettik ortalyǵynyń qoldaýymen «Muǵalim» jáne «Kenjem qaida?» filmderiniń óndirisi aiaqtaldy. Qazir taǵy 23 kinojoba ázirlenip jatyr, onyń 21-in jyl sońyna deiin aiaqtaý josparlanǵan. Konkýrstyq irikteý nátijesinde 18 joba memlekettik qoldaýǵa ie boldy.
Animatsiia salasyn damytý da jalǵasýda. «Qazaqanimatsiia» shyǵarmashylyq birlestiginiń pitchingi qorytyndysy boiynsha 10 animatsiialyq joba irikteldi. Bul balalar men otbasylyq kontenttiń sapasyn arttyryp, qazaqstandyq oqiǵalar men keiipkerlerdi zamanaýi formatta tanytýǵa múmkindik beredi.
Qazaq kinosynyń altyn qoryn saqtaý jumystary aiasynda bes film tsifrlyq formatqa kóshirilip, taǵy eki týyndy qalpyna keltirildi. Sondai-aq jyl basynan beri prokat kýáligin alýǵa túsken 1539 ótinimniń 1344-i maquldanǵan.
