قازاقستاندا ۇلتتىق كينو يندۋستريياسىن دامىتۋ باعىتىنداعى جۇمىستار جالعاسىپ جاتىر. 2026 جىلدىڭ العاشقى جارتىجىلدىعىندا مەملەكەتتٸك قولداۋمەن تٷسٸرٸلگەن التى فيلم كەڭ پروكاتقا شىعىپ, جاڭا كينوجوبالار مەن انيماتسييالىق تۋىندىلاردى قولداۋ جالعاستى, دەپ حابارلايدى ult.kz.
مەدەنيەت مينيسترلٸگٸنٸڭ مەلٸمەتٸنشە, بيىل كٶرەرمەنگە «گيپنوز», «بيلەت يز رايا», «وسەننيي بريز», «قۇت», «ەبٸل» جەنە «پريانيكي دليا ەە وتتسا, موەگو پرادەدا, ەە دەدا» دەرەكتٸ فيلمٸ ۇسىنىلدى. ەسٸرەسە, دەرەكتٸ فيلمنٸڭ كينوتەاترلاردا كەڭ پروكاتقا شىعۋى ۇلتتىق كينو سالاسى ٷشٸن ماڭىزدى قادام رەتٸندە باعالانىپ وتىر.
سونىمەن قاتار ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن «مۇعالٸم» جەنە «كەنجەم قايدا?» فيلمدەرٸنٸڭ ٶندٸرٸسٸ اياقتالدى. قازٸر تاعى 23 كينوجوبا ەزٸرلەنٸپ جاتىر, ونىڭ 21-ٸن جىل سوڭىنا دەيٸن اياقتاۋ جوسپارلانعان. كونكۋرستىق ٸرٸكتەۋ نەتيجەسٸندە 18 جوبا مەملەكەتتٸك قولداۋعا يە بولدى.
انيماتسييا سالاسىن دامىتۋ دا جالعاسۋدا. «قازاقانيماتسييا» شىعارماشىلىق بٸرلەستٸگٸنٸڭ پيتچينگٸ قورىتىندىسى بويىنشا 10 انيماتسييالىق جوبا ٸرٸكتەلدٸ. بۇل بالالار مەن وتباسىلىق كونتەنتتٸڭ ساپاسىن ارتتىرىپ, قازاقستاندىق وقيعالار مەن كەيٸپكەرلەردٸ زاماناۋي فورماتتا تانىتۋعا مٷمكٸندٸك بەرەدٸ.
قازاق كينوسىنىڭ التىن قورىن ساقتاۋ جۇمىستارى اياسىندا بەس فيلم تسيفرلىق فورماتقا كٶشٸرٸلٸپ, تاعى ەكٸ تۋىندى قالپىنا كەلتٸرٸلدٸ. سونداي-اق جىل باسىنان بەرٸ پروكات كۋەلٸگٸن الۋعا تٷسكەن 1539 ٶتٸنٸمنٸڭ 1344-ٸ ماقۇلدانعان.
