Astanada qyzmettik mindetin atqarý kezinde qaza tapqan feldsher Uldana Myrzýannyń anasy Salima Ershanqulqyzy marqum qyzynyń jubaiy Zeinet Ádilettiń qaita shańyraq kóterýine bailanysty alǵash ret málimdeme jasady, dep habarlaidy ult.kz.
Videoúndeýdi marqumnyń anasy men qorǵaýshy Nursultan Orynbekov áleýmettik jelidegi paraqshasynda jariialady. Onyń aitýynsha, qoǵamda bul máselege qatysty túrli pikirlerdiń kóbeiýine bailanysty óz ustanymyn jetkizýdi jón sanaǵan.
Salima Ershanqulqyzynyń aitýynsha, Zeinet Ádilet te, onyń ata-anasy da qaita nekege turar aldynda qaiyn jurtymen kezdesip, ruqsat suramaǵan.
«Kópshilik “Aldaryńyzdan ótti me?” dep surap jatyr. Joq, aldymyzdan ótken joq. Ádilettiń ata-anasy da, jaqyndary da kelgen joq. Sonymen qatar qyzymnyń ólimine qatysty tergeý áli jalǵasyp jatyr. Ádilet bul is boiynsha jábirlenýshi retinde tanylǵan. Men onyń osy mártebeden bas tartqanyn qalaimyn», – dedi Uldananyń anasy.
Eske salaiyq, búgin áleýmettik jelilerde byltyr Astanada qyzmettik mindetin atqarý kezinde kóz jumǵan feldsher Uldana Myrzýannyń jubaiy Zeinet Ádilettiń qaita úilengeni týraly aqparat keńinen tarady. Marqumnyń qazasynan keiin ol áleýmettik jelilerde jaryna arnap birneshe áserli jazba jariialap, qaiǵysyn bólisken bolatyn. Alaida arada segiz ai ótken soń onyń qaita otbasyn qurǵany belgili boldy.
Bul jait qoǵamda qyzý talqylanyp, jeli qoldanýshylarynyń pikiri ekige bólindi. Biri onyń jeke ómirine qurmetpen qaraýǵa shaqyrsa, endi biri jubaiynyń qaitys bolǵanyna bir jyl tolmai qaita shańyraq kótergenin synǵa aldy.
