استانادا قىزمەتتٸك مٸندەتٸن اتقارۋ كەزٸندە قازا تاپقان فەلدشەر ۇلدانا مىرزۋاننىڭ اناسى ساليما ەرشانقۇلقىزى مارقۇم قىزىنىڭ جۇبايى زەينەت ەدٸلەتتٸڭ قايتا شاڭىراق كٶتەرۋٸنە بايلانىستى العاش رەت مەلٸمدەمە جاسادى, دەپ حابارلايدى ult.kz.
ۆيدەوٷندەۋدٸ مارقۇمنىڭ اناسى مەن قورعاۋشى نۇرسۇلتان ورىنبەكوۆ ەلەۋمەتتٸك جەلٸدەگٸ پاراقشاسىندا جارييالادى. ونىڭ ايتۋىنشا, قوعامدا بۇل مەسەلەگە قاتىستى تٷرلٸ پٸكٸرلەردٸڭ كٶبەيۋٸنە بايلانىستى ٶز ۇستانىمىن جەتكٸزۋدٸ جٶن ساناعان.
ساليما ەرشانقۇلقىزىنىڭ ايتۋىنشا, زەينەت ەدٸلەت تە, ونىڭ اتا-اناسى دا قايتا نەكەگە تۇرار الدىندا قايىن جۇرتىمەن كەزدەسٸپ, رۇقسات سۇراماعان.
«كٶپشٸلٸك “الدارىڭىزدان ٶتتٸ مە?” دەپ سۇراپ جاتىر. جوق, الدىمىزدان ٶتكەن جوق. ەدٸلەتتٸڭ اتا-اناسى دا, جاقىندارى دا كەلگەن جوق. سونىمەن قاتار قىزىمنىڭ ٶلٸمٸنە قاتىستى تەرگەۋ ەلٸ جالعاسىپ جاتىر. ەدٸلەت بۇل ٸس بويىنشا جەبٸرلەنۋشٸ رەتٸندە تانىلعان. مەن ونىڭ وسى مەرتەبەدەن باس تارتقانىن قالايمىن», – دەدٸ ۇلدانانىڭ اناسى.
ەسكە سالايىق, بٷگٸن ەلەۋمەتتٸك جەلٸلەردە بىلتىر استانادا قىزمەتتٸك مٸندەتٸن اتقارۋ كەزٸندە كٶز جۇمعان فەلدشەر ۇلدانا مىرزۋاننىڭ جۇبايى زەينەت ەدٸلەتتٸڭ قايتا ٷيلەنگەنٸ تۋرالى اقپارات كەڭٸنەن تارادى. مارقۇمنىڭ قازاسىنان كەيٸن ول ەلەۋمەتتٸك جەلٸلەردە جارىنا ارناپ بٸرنەشە ەسەرلٸ جازبا جارييالاپ, قايعىسىن بٶلٸسكەن بولاتىن. الايدا ارادا سەگٸز اي ٶتكەن سوڭ ونىڭ قايتا وتباسىن قۇرعانى بەلگٸلٸ بولدى.
بۇل جايت قوعامدا قىزۋ تالقىلانىپ, جەلٸ قولدانۋشىلارىنىڭ پٸكٸرٸ ەكٸگە بٶلٸندٸ. بٸرٸ ونىڭ جەكە ٶمٸرٸنە قۇرمەتپەن قاراۋعا شاقىرسا, ەندٸ بٸرٸ جۇبايىنىڭ قايتىس بولعانىنا بٸر جىل تولماي قايتا شاڭىراق كٶتەرگەنٸن سىنعا الدى.
