Qazaqstannyń Ýkrainadaǵy elshiligi sol eldegi qazaqstandyqtarǵa úndeý joldady, dep habarlaidy "Ult aqparat".
«Qurmetti Qazaqstan Respýblikasynyń azamattary!
Áskeri qaýipke bailanysty Qazaqstan Respýblikasynyń azamattaryna jergilikti atqarýshy organdardyń nusqaýlaryn qatań túrde oryndaýdy, onyń ishinde jaqyn mańdaǵy panalaý ornyna (bomba baspanasy, jerasty ótkeli, jertóle, jerasty turaǵy, jerasty tonnel jáne t.b.) dereý jetýdi usynamyz.
Qaýipti sátte siz turǵyn úi-jaida qalsańyz, jaryqtandyrýdy tolyǵymen óshirip, terezelerge jaqyndamańyz jáne eń qaýipsiz orynda bolyńyz.
Aýyz sý men azyq-túlikti aldyn ala jinaqtaýǵa tyrysyńyz» delingen habarlamada.
Aita keteiik, 24 aqpanda Resei basshysy Vladimir Pýtin Donbasta "áskeri operatsiia" bastaitynyn habarlap, artynsha Ýkrainanyń túrli aimaǵynda jarylystar bolǵany belgili boldy. Ýkraina ishki ister ministrligi 17 oblysta jarylys pen áýeden soqqy jasalǵanyn habarlady. Elde áskeri jaǵdai jariialandy.
